As amizades perigosas de Núñez Feixoo pairan sobre a campaña
Alberto Núñez Feixoo presume de amigos, pero non de todos. Un deses é Marcial Dorado, o Marcial da Illa, un dos nomes míticos do contrabando e do narcotráfico galego desde finais dos anos setenta. Neste caso pasou polo cárcere, a diferenza doutros amigos do candidato popular, como Ignacio Sánchez Galán e Florentino Pérez, auténticos poderes fácticos do Estado e cabezas das dúas faccións enfrontadas do capitalismo español.