entrevista

Armando Oxea Bouzo (Vilar de Barrio, A Limia, 1962), unha das persoas da máxima confianza do alcalde de Ourense e líder da formación pola que concorre ás eleccións ao Parlamento galego do 18 de febreiro, é concelleiro na cidade das Burgas desde 2015 e, entre 2019 e 2020, vicepresidente segundo da Deputación de Ourense, froito dun pacto co PP que incluía que DO non se presentase aos comicios galegos daquel ano pero que de cara a esta nova cita non se reeditou. Oxea, en conversa con 'Nós Diario', insiste en que a súa formación terá a chave do novo Goberno da Xunta: "Pactaremos con aquel partido ou partidos que nos garantan o máximo investimento na nosa cidade e na nosa provincia".

Marta Irene Lois González (Vigo, 1969) foi designada candidata de Sumar Galicia á Presidencia da Xunta após exercer desde agosto pasado de portavoz do grupo parlamentario no Congreso desta formación que lidera a vicepresidenta do Goberno estatal Yolanda Díaz. Da man de Sumar aspira non só a obter representación no Pazo do Hórreo, senón tamén a entrar nun hipotético goberno 'a tres bandas' con BNG e PSdeG, tal e como apunta a 'Nós Diario'. Lois foi concelleira en Santiago entre 2015 e 2023, e no primeiro mandato, da man do daquela alcalde Martiño Noriega e en representación de Compostela Aberta, foi a responsábel das áreas de Igualdade e Turismo.

Laura Rodríguez (A Coruña, 1985) exerce como asesora técnica no Museo Pedagóxico da Galiza (Mupega), onde organizan diversos obradoiros de temática mensual co obxectivo de achegar a tradición ás crianzas.

Alba Chan e Ene son as autoras de Idol!, a obra galardoada co V Premio de Banda Deseñada O Garaxe Hermético —a escola profesional de BD e ilustración en Pontevedra fundada por Kiko da Silva e que será publicada por Xerais na próxima primavera. As autoras abordan cuestións como a ansiedade ou a industria do K-pop e os prexuízos cara a esta.

Madrileño de nacemento e galego de adopción, José Ignacio García Castro (1971) dirixe desde o ano 2018 a Federación Galega de Pelota, un deporte minoritario con 256 persoas federadas no que o peso da actividade recae na cidade da Coruña por atoparse alí o único frontón homologado que existe en todo o territorio.

Xabier Ron (Lyon, Francia, 1969) vén de publicar A oralidade na ficción amorosa dos trobadores galego-portugueses ou como salvar o itinerarium ad dominam (ArGaMed), un estudo no que analiza as estratexias de comunicación codificada utilizada nas cantigas.
 

Sofía Iglesias é xunto a Fernando López a fundadora de Xiralúa, unha empresa dedicada ao deseño gráfico con mirada de país. Unha das súas creacións, en homenaxe aos Entroidos da Galiza, ilustrará a capa do especial Sermos Galiza que este sábado acompañará Nós Diario. 

Elvira Fidalgo (San Pedro de Flariz, Monterrei, 1962) vén de realizar a primeira tradución completa ao español das 'Cantigas de Santa María' de Afonso X así como a primeira adaptación ao galego actual co obxectivo de achegar as pezas ao público xeral. 

A poesía como intervención pública, como voz que se expande tamén combinada coa imaxe e a música nunha coidada posta en escena, é característica singular desde hai ben de anos da obra de Silvia Penas (Vigo, 1980). Aínda fresco o seu novo libro Retratos de vodas, partos e funerais (Galaxia), non baixa a súa presenza nos espectáculos cos grupos e colectivos cos que gosta de compartir proxectos, actualmente Cintaadhesiva e Límites, noutrora as Redes Escarlata.

SOS Sanidade Pública ten convocada para este domingo, 4 de febreiro, unha manifestación en Compostela en defensa do sistema galego de saúde. O voceiro da plataforma social, o médico Manuel Martín, explica a Nos Diario os obxectivos da mobilización e analiza a situación actual da sanidade.

Rebeca Varela (A Coruña, 1984), coñecida como Perdivel, foi a encargada de realizar o cartel do Día da Ilustración deste ano, dedicado á figura de Xesús 'Chichi' Campos.

Jacobo Mouriño (Vigo, 1996)e Dani Valladares (Vigo, 1996), membros do grupo Dioivo, abordan o percorrido do seu último traballo discográfico, 'Cara os ceios incrementes', no que poñen música a varias pezas da literatura galega.

Hugo Amoedo (Redondela, comarca de Vigo, 1987) é o autor de 'Pechar caixas, abrir caixas', unha curta que xira arredor da súa propia vivencia afincado en Bruxelas, sen saber cando poderá regresar á Galiza, e da mudanza do escritor Xavier Queipo de volta á terra desde a capital belga.

As deportistas paralímpicas adoitan quedar fóra dos reflectores da atención mediática, como denunciaba nestas mesmas páxinas recentemente o responsábel da Federación Galega de Deporte Adaptado. Non é o caso de Adi Iglesias (Bamaco, Malí, 1999), ouro e prata en Toquio 2020, que cada vez ten maior exposición.

Noel Turbulencias (A Coruña, 1984) vén de iniciar un crowdfunding para lanzar o proxecto 'Galicia MusiCalidade: Unha terra feita de acordes', un libro ilustrado sobre a música contemporánea galega e as súas influencias anteriores.

María de las Llanderas (Nigrán, comarca de Vigo, 1990) e David Alonso (Nigrán, 1993) fundaron a súa propia compañía teatral, Souvenir, coa que veñen de estrear a obra 'Non é unha canción', premiada no V Festival Pezas dun Teatro do Porvir Galiza + Portugal.

Despois de case dúas décadas na música, o Brais Morán (Ourense, 1984) que liderou Loretta Martin consolida co seu novo disco 'Revolución chic' unha proposta con pouca presenza nas músicas en galego, reivindicativa da ledicia da música de bailar, con ritmos que identificamos instantaneamente cos anos 70, pasando polo matiz moderno e os referentes contemporáneos. Despois de 'Cruzando o eclipse' e 'No mato do desespero', este traballo volve contar coas coidadas letras que marcan o percorrido artístico deste músico que se reivindica da Costa da Morte. O 3 de febreiro preséntao en formato acústico na librería Moito Conto da Coruña e desde o 1 de marzo, na sala Garufa Club, arrinca a xira por todo o país.

'Nós Diario' publica este sábado, 27 de xaneiro, unha nova entrega do barómetro electoral elaborado polo Instituto Demoscópico EM-Analytics de cara aos comicios do 18 de febreiro. E a partir da vindeira quinta feira, día 1, e coincidindo co inicio da campaña o xornal presentará un 'tracking' diario para seguir en tempo real a evolución da intención de voto na Galiza.

Adriana del Río, historiadora da arte, e Hadrián Román, historiador, escribiron o libro 'O Merdeiro. Personaxe da Ribeira', editado este mes pola Asociación Etnográfica A Merdeira, onde recollen anos de investigación e traballo arredor desta tradicional figura do Entroido de Vigo.

Paula Pier (A Coruña, 1991) vén de estrear 'Eu, fraude!', un espectáculo que se define como unha historia de amor propio e unha chamada a celebrar a vida.