poesía

O xurado premiou a súa obra 'Materia' "pola poderosa proposta poética na que cada estado da materia se expresa nun ton propio, con poemas dunha metafísica que causa dor e orixinal".

Xurxo Alonso, pintor e poeta, foi galardoado no 49º Certame Literario de Poesía do Concello de Vilalba pola súa obra 'Cartas de Conxo (O legado das Távora)', onde aborda de maneira epistolar a vida de dúas irmás durante o contexto da Guerra Civil.

O Ateneo de Monforte (Terra de Lemos) foi escenario esta sexta feira dunha intensa actividade cultural auspiciada polo artista plástico e escritor Antón Patiño. Unha xornada na que Olga Novo, Alberto Avendaño e Lois Patiño foron os encargados de presentar o Libro Dos Lugares 2, Caosmos e a curta documental ML-AP. Tres obras nas que Antón Patiño se situou como nexo de unión e coas que reflexionar sobre a natureza, a paisaxe, a incerteza ou a realidade.

Blanca Millán, ilustradora, pon en imaxes os versos de Rosalía de Castro no seu novo álbum, 'Miña casiña, meu lar' (Galaxia) coa intención de achegar os seus poemas á cativada.

Quico Cadaval, María Barcala e Paraíso Canto nas Lúas de Outono.

Silvia Penas, filóloga e escritora, reedita o seu poemario 'O resto é ceo', unha viaxe a través do seu corpo e de Cabo Verde que viu a luz en portugués (Editora Urutau, 2021) e que agora volve da man de Edicións Malafera nun formato bilingüe.

A Sociedade Cultural e Desportiva (SCD) do Condado está de 50 aniversario e, como cada ano, leva a cabo nesta primeira fin de semana de setembro o Festival de Poesía. Na procura de achegar o maior número de disciplinas artísticas posíbeis a toda a poboación, o festival volve a Salvaterra (o Condado) hoxe, baixo o lema '50 anos de resistencia cultural'. Unha insignia que se reflicte na programación e que reivindica o activismo de base, a memoria histórica da organización e a defensa da cultura nun proxecto no que todas as actividades son de balde.

Antón Sobral inaugura 'Ardentías, xerfas e silencio'

A herdanza dos poetas toma camiños imprevisíbeis. No libro de Uxío Novoneyra Os Eidos está a semente que deu lugar ao Festival dos Eidos, un proxecto que é festa mais tamén lugar para a palabra poética, para a reflexión sobre un espazo singular e as súas necesidades e, sobre todo, para o convivio e o reforzo da comunidade que o habita e que lle dá sentido. A edición deste ano terá lugar esta fin de semana -do 25 ao 27 de agosto- en Folgoso do Courel.
 

Nas xornadas conflúen cine, música e poesía

Helena de Carlos, filóloga latina, volve á poesía tras 16 anos desde a súa última publicación con Imago (Faktoría K), unha obra que serve de testemuña da vivencia e transformación que ten lugar coa primeira menstruación e a menopausa.

A concelleira de Capital Cultural, Míriam Louzao, e o director-xerente do Auditorio de Galicia, Xaquín López, presentaron onte no Pazo de Raxoi unha nova edición do Festival C, con espectáculos de circo, poesía e danza que terán como escenario a praza da Quintana, a Alameda de Santiago e o parque de Bonaval.

Sol Mariño, artista multidisciplinar, vén de inaugurar a súa exposición Nada me pertence. Tudo faz parte de min na Agrupación Cultural Alexandre Bóveda (A Coruña) con fotografías das súas vivencias entre varios territorios seguindo a liña do seu recentemente publicado poemario As alas da serpe (Aira).