Eleccións municipais 2023

A campaña electoral dos comicios locais deste domingo chegou esta sexta feira ao seu remate. Alfonso Rueda, Valentín González Formoso e Ana Pontón aproveitaron os últimos momentos da contenda para tentar mobilizar o votante e decantar a importante bolsa de electorado indeciso, que en diversas urbes galegas sitúase arredor de 20%. Precisamente, esta situación e o apartado das proxeccións electorais nalgúns concellos avanzan uns comicios abertos, onde o PP busca recuperar as posicións perdidas en 2019, o PSdeG manter as actuais e o BNG gañar novos Gobernos.

Finaliza unha nova campaña electoral e á espera das votacións e resultado do 28-M volve ser necesario preguntarse pola utilidade dos formatos actuais.

As comarcas de Vigo e O Baixo Miño supoñen o extremo suroeste da Galiza e comprenden 16 concellos nos que residen 474.648 persoas censadas. Destaca a cidade olívica como motor industrial e económico da Galiza xunto aos concellos da contorna, que aumentan poboación debido, entre outros motivos, ao encarecemento da vivenda na maior urbe do país. Con todo, alén da automoción, do naval e do sector servizos vigués, destaca o patrimonio histórico de ambas as comarcas e actividades económicas como a pesca, ameazada agora por un proxecto de eólica mariña fronte ás costas da Guarda, Oia, O Rosal e Baiona.

O domingo desenvolveranse comicios municipais e lexislativos en 12 territorios.

Un total de 52.469 persoas votaron por correo na Galiza para nas eleccións muncipais do próximo 28 de maio —16% menos que en 2019, segundo os datos facilitados esta sexta feira por Correos. Formalizaran a súa petición un total de 55.179 persoas, malia que non se materializaron todas. Aliás, aceptouse o voto de 103 galegos e galegas que residen temporalmente no estranxeiro. Do total de votos emitidos por correo, 18.460 correspóndense coa circunscrición da Coruña; 8.941, coa de Lugo; 9.201, coa de Ourense, e 15.867, coa de Pontevedra.

A Xunta Electoral remitiu aos Xulgados unha incidencia notificada por Correos e anulou os votos emitidos por catro residentes. En total, 52.469 galegas e galegos votaron por correo, o que se traduce nunha caída de 16% a respecto de 2019.

Todo é posíbel na cidade de Lugo. Como sinalou Alfonso Rueda no mitin da quinta feira dos populares na cidade, o resultado decidirase por un “puñado de votos”. Arroxo, Candia e Méndez pelexan por conseguir eses sufraxios necesarios para alzarse coa Alcaldía.

'Nós Diario' ten todo preparado para a cobertura das eleccións municipais deste domingo, 28 de maio, uns comicios chave que servirán para medir a fortaleza das distintas alternativas políticas