Entre críticas por falta de transparencia na xestión do desastre, que inclúe pór en risco a poboación da zona afectada, Washington trata de frear a crise ambiental que se xerou en Ohio tras descarrilar un tren que portaba substancias perigosas e inflamábeis.
Coincidiron o BNG e o PSdeG onte no sentido das súas preguntas ao presidente galego, Alfonso Rueda, na sesión de control parlamentario: ante a persistencia da crise derivada da suba de prezos vai actuar o Goberno galego? Adoptará novas medidas? Ambas as cuestións ficaron sen resposta por parte de Rueda, que si aproveitou a comparecencia no primeiro pleno do ano para anunciar unha ampliación do plan de prevención do cancro de mama.
O Congreso dos Deputados validou onte o decreto de medidas 'anticrise' para frear o avance da inflación e paliar os efectos económicos derivados da guerra na Ucraína, aínda que tamén aprobou, a petición de grupos como o BNG, tramitar a norma como proxecto de lei, o que abre aporta a introducir cambios vía emenda.
A guerra entre Etiopía e Tigrai era até o seu final a deflagración bélica máis sanguenta dos 110 conflitos armados que se están a combater nestes momentos no planeta. Aínda así, o territorio volve paulatinamente á normalidade e celebra as informacións que revelan a marcha de soldados eritreos, que nos últimos meses foron a principal fonte da violencia que sufriron os tigriñas.