As autoridades da provincia chinesa de Shandong, no leste do país, anunciaron o achado dun "obxecto voador non identificado" perto da costa, no medio de preparativos para o seu derrubamento.
Concretamente, este obxecto foi localizado en augas do mar Amarelo, perto da costa da cidade de Rizhao, segundo informaron as autoridades marítimas provinciais nun comunicado recollido polo diario estatal internacional chinés Global Times.
Aviso aos pescadores
Segundo a nota, o Exército chinés está a prepararse para derrubar o obxecto ao tempo que as autoridades piden aos pescadores da zona que adopten as medidas de protección necesarias.
Este anuncio ten lugar en plena 'crise dos globos', iniciada tras o descubrimento dun presunto globo espía chinés sobre territorio estadounidense, posteriormente derrubado, seguido de máis avistamentos e a destrucióneste domingo doutro obxecto tras ser visto en Canadá, no territorio do Yukón.
China asegurou que o primeiro globo tratábase dun instrumento de investigación atmosférico que se desviou do seu curso e acusou os Estados Unidos de reaccionar de maneira esaxerada.
