sindicalismo

As organizacións do agro solicitan ao Goberno de Alfonso Rueda traballar para conseguir "prezos xustos".

A CIG, CCOO e UXT lembran as 10 mortes acontecidas no que vai de ano.

Persoal da sanidade privada secundou esta cuarta feira na Coruña, ante o Hospital HM Modelo, unha nova protesta en demanda dun "convenio colectivo digno e salarios xustos".

Xosé Manuel Díaz, destacado dirixente do sindicalismo nacionalista nos anos da Transición, faleceu á ultima hora da terza feira de 19 de marzo en Compostela.

Farao na súa pregunta ao ministro da Presidencia, Félix Bolaños, ao que exixirá que "deixe de pór paus nas rodas" ás organizacións sindicais como a CIG.

No acto, lembráronse tamén das figuras dos sindicalistas Xesús Arrizado e Fernando Solla, que faleceron o pasado ano 2023.

O paro indefinido levantarase a partir da vindeira semana

A forza nacionalista denuncia o bloqueo do alcalde do acceso ao expediente sobre o reequilibrio económico de Vitrasa, a concesionaria municipal do transporte urbano.

O V Pacto Local polo Emprego de Santiago de Compostela define 78 metas que o Concello, en primeira instancia, e as asociacións e sindicatos signatarios, comprometéronse esta cuarta feira a levar a cabo de aquí a 2027 cos obxectivos de "contribuír á creación e mantemento de emprego de calidade" e "fomentar o emprendemento sostíbel e inclusivo". Este novo pacto, cuxa primeira edición tivo orixe en 2006, supón "un cambio de paradigma", tal como explicou o concelleiro de Promoción Económica en funcións, Xan Duro. "Pon o foco en cuestións que 20 anos atrás poderiamos considerar secundarias" como a conciliación, a sostibilidade ou a economía verde, exemplificou o edil. Así, este acordo pretende colaborar cos colectivos "máis vulnerábeis" á hora de conseguir e manter un emprego como "as mulleres, a poboación inmigrante e as persoas maiores de 45 anos", tal como indicou o concelleiro a partir dun "diagnóstico da situación actual". O plan estratéxico posúe catro liñas de actuación: apoio ao emprego, desenvolvemento económico e laboral, transición do modelo produtivo e traballo en rede.

Traballadoras e traballadores da limpeza do Complexo Hospitalario Universitario da Coruña (Chuac) mobilizáronse esta cuarta feira por quinto día -nunha manifestación que comezou e rematou ante as portas da Xerencia da área sanitaria- para exixir á empresa concesionaria do servizo, Acciona, "que aplique xa as melloras retributivas e de redución da xornada anual pactadas para o persoal do Servizo Galego de Saúde (Sergas) e as súas contratas".

Traballadoras e traballadores da banca secundaron os paros parciais convocados esta segunda feira no sector en defensa de subas salariais. Ademais, no marco dos convenios que se están negociando estas semanas, a CIG, ELA, SEC e A Intersindical chamaron á folga esta quinta feira. Os sindicatos denuncian que os beneficios récord do sector financeiro non están a repercutir na mellora das condicións laborais.

Os sindicatos nacionalistas fan unha fronte común.

"Hoxe máis de 52% das familias pobres teñen emprego, é o que evidencia o resultado onde as estatísticas cambian os datos, pero non poden ocultar unha crecente precariedade como se ve nun incremento en máis de 125% dos contratos a tempo parcial ou fixos descontinuos", lamentou o secretario xeral, Paulo Carril.

Tras apenas un mes e medio de Goberno, as políticas de extrema dereita aplicadas polo mandatario arxentino, Javier Milei, motivaron a convocatoria dunha folga xeral para trasladar o rexeitamento xeneralizado das traballadoras e traballadores.

No período 2020-23 a central sindical fíxose con 31% das delegadas e delegados totais do país.

O documento, que deberá ser referendado en asemblea de traballadores, inclúe subas salariais e o compromiso de avanzar na actualización do convenio, caducado en 2020.

O agro xermano continúa unha semana de protestas a nivel estatal.