Centenario do Celta

A presenza de artistas galegas como as Lagharteiras, a Coral Casablanca ou 'Sime', o vocalista de Keltoi!, e un videoclip cos seareiros e seareiras como protagonistas inzan de eloxios a obra de C. Tangana, que tamén recibe algunhas críticas.

Oliveira dos cen anos, cun vídeo dirixido por Antón Álvarez, máis coñecido como C. Tangana, é a composición coa que o clube vigués principia as celebracións do seu centenario.

O Club presentou horas antes a letra da peza

O himno do centenario estréase esta sexta feira, mais hoxe unhas poucas persoas poderán gozar do videoclip antes que ninguén.

Primeiro adestramento do técnico celeste en Vigo.

O novo técnico dirixe esta tarde o seu primeiro adestramento con 24 futbolistas ao seu dispor.

A escuadra celeste únese a unha corrente en auxe no fútbol mundial.

O centenario do Real Club Celta de Vigo trouxo consigo innumerábeis actividades conmemorativas. Unha das máis valoradas polos seareiros e seareiras é 'Os Cen do Centenario', con Berto Villamarín (Vito, 1977) á súa fronte, quen repasa diariamente os xogadores máis importantes que vestiron a celeste.

O curso 2023-24 arrincará para o Celta na fin de semana do 12 e 13 de agosto en Balaídos, días antes de facer os seus 100 primeiros anos de historia. Diante estará Osasuna, rival que a pasada tempada marchou de Vigo cos tres puntos no peto (1-2) e que no partido de volta asinou un empate (0-0). A primeira saída será a Anoeta, fronte á Real Sociedad, e na terceira xornada visitará a cidade olívica o Real Madrid. Os celestes fecharán a Liga tamén na casa, contra o Valencia, arredor do 26 de maio.

A última aventura do técnico madrileño, á fronte do Everton, rematou precipitadamente en xaneiro de 2022.

É o adestrador número 18 que marcha do club vigués desde que Mouriño é presidente.

A vitoria do Celta ante o Barcelona certifica aos celestes na elite do fútbol.

Comparecencia do presidente do Celta, Carlos Mouriño, para falar do centenario e a marcha do equipo. O club explica que C. Tangana traballa no himno "con artistas galegos".

O clube desprega unha lona no centro da cidade para anunciar a elección.

A exposición inclúe obras de máis de 30 artistas

O clube olívico presenta a exposición '100 anos de RC Celta. Gol e Arte'.

Keltoi! e Miguel Costas amenizarán a espera nos exteriores de Balaídos.

O grupo de cantos de taberna A de Sabas publicou esta sexta feira nas redes sociais Camiño de Balaídos, unha canción da autoría de Ramón Soto Ignacio para conmemorar o centenario do Real Club Celta, unha efeméride que centrará o foco de atención da cidade olívica o próximo ano e terá o seu punto álxido o 23 de agosto de 1923.

Este tema mestura as voces con instrumentos como gaitas, pandeiretas, acordeón, tambor ou bombo e lembra as obras antano compostas por A Roda como, alén do propio himno do clube, a xa mítica Foliada do Celta. A letra, aliás, lembra as grandes lendas do celtismo, desde Pahíño até Iago Aspas, pasando por Gudelj, Karpin ou Mostovoi. Eis a canción completa:

(RETROUSO)
Lorolorolo...
Toto Berizzo, Vlado Gudelj, Karpin, Mostovoi,
Hugo, Pahíño, Ademir e o gran Manolo,
Salgado, López, Baltazar, xenio Mazinho,
pero máis grande é cando mete un gol Iaguiño.

Mil novecentos vinte e tres
ano que se fundou o Celta,
xuntouse o Vigo e o Fortuna,
ca ialma da nosa afouteza.
Celeste e branco, as nosas cores,
as mesmas da nosa bandeira,
orgullo e o que sentimos
se fan soar a Rianxeira (x3)
celeste e branco as nosas cores,
as mesmas da nosa bandeira.

(RETROUSO)
Toto Berizzo, Vlado Gudelj, Karpin, Mostovoi... [...]
Lorolorolo... [...]

Balaídos noso templo
casa de todo celtista,
onde ris, cantas e choras,
e todo polo Celtiña.
Marcador é o que anima
en Río agora hai festa,
en Gol vas, nunca te mollas;
tribuna é a que protesta (x3)
Marcador é o que anima,
en Río agora hai festa.

(RETROUSO)
Toto Berizzo, Vlado Gudelj, Karpin, Mostovoi... [...] (x2)
Lorolorolo... [...] (x2)

O grupo de cantos de taberna A de Sabas está composto por: Abraham Soto (voz), Antonio Pimentel (voz), Begoña del Río (voz), Eduardo Alberto Trapero (voz), Eduardo del Olmo, "Kalo" (voz), Eladio Tizón (voz), Enrique Taboada (voz), Eulogio Cedeira, "Guache" (voz), Fernando Vilariño (tambor), Jacinto Balboa (guitarra e baixo), Jesús Pedrosa (guitarra), Lurdes Comes aaña (voz), Maite Vázquez (voz), Manuel González (guitarra), Miguel Ángel Cedeira (guitarra, bandurría e voz), Nuria Fontela (pandeireta e voz), Ramón Pazos (voz), Raquel Castro (pandeireta e voz), Rubén Troitiño (gaitas e acordeón), Santiago Bernárdez (bombo), Silvano Montes (guitarra e voz), Teresa Barreiro (pandeireta e voz) e Víctor Manuel Otero (guitarra).

Ramón Soto Ignacio é o autor da canción, e o técnico de son é Rubén Troitiño. O tema gravouse o pasado mes de novembro.