Castelao

O secretario xeral do PSdeG, Valentín González Formoso, expresou no Día da Patria Galega a súa oferta a PP e BNG para sentar a dialogar e reformar o Estatuto de Autonomía.

As asociacións O Galo, de Santiago, e Vagalumes, da Estrada, izaron outro ano máis a bandeira galega no seu cumio.

Virxinia Pereira foi moito máis que a coidadora imprescindíbel dun Castelao con moitos problemas de saúde. Secretaria, xestora, conseguidora de recursos… Sen ela, Castelao non podería ter feito o que fixo. Pero é que ademais ela tiña o seu propio compromiso galeguista, republicano e antifascista. Por iso participou en vida del en actos públicos, ás veces falando no seu nome, e despois da súa morte foi a continuadora do facho do pensamento de Castelao, que tamén era o dela. Falamos coa súa biógrafa, Montse Fajardo, autora de A vida incerta (Edicións do Cumio). 

O pleno municipal nomeará fillo predilecto a Avelino Pousa Antelo e o recoñecemento prolongarase coa colocación dunha placa conmemorativa na Casa da Cultura, un xantar de irmandade e unha presentación literaria. 

En Galicia algúns dos militares tardaron en sumarse ó golpe militar contra o Goberno da República ata comezos de xullo de 1936. Unha vez que decidiron impoñerse coa forza das armas contra a democracia foron infrutuosos os esforzos da cidadanía na defensa da legalidade republicana. Galicia vai quedar totalmente illada do territorio republicano, agás con Asturias que resistía (de momento) e era arriscado fuxir desa trampa fose por terra ata o autoritario Portugal e colaborador cos golpistas ou fose evadíndose polos camiños do mar. Amais nesta cativa retagarda non houbo guerra e os asasinatos e a represión executada desde o poder foron excesivos de máis pero intencionados desde o principio para impoñer o medo e a adhesión. Galicia entrou no horror, na extorsión e na posguerra á vez. 

Nacen uns monográficos que pretenden informar con rigor e de maneira "amábel" sobre os contidos que garda a institución. 

Non hai no mercado unha biografía tan exhaustiva e completa sobre Castelao como a escrita por Miguel Anxo Seixas Seoane, da que Galaxia vén de publicar o terceiro e último tomo. Unha análise sobre o pai do galeguismo que, tal como o seu autor indica, é como unha cámara que amplía a perspectiva, contextualizando até o último detalle os feitos da vida e obra de Castelao. Unha obra magna na que a interpretación corresponde, sobre todo, á lectora e ao lector Mais na que, segundo Seixas, hai cuestións indiscutibles como o compromiso ético do autor de Sempre en Galiza.   

O semanario, ademais, fai repaso dos 20 anos da orquestra SonDeSeu.

O Panteón de Galegos Ilustres acolle hoxe diversos actos en lembranza de Castelao con motivo do 146 aniversario do seu nacemento, o 30 xaneiro de 1884 en Rianxo. Un deles, estará protagonizado polo presidente do Goberno galego, Alberto Núñez Feixoo, e o conselleiro de Cultura, Román Rodríguez.

Desde hai 10 anos, no sábado previo ao Día da Patria Galega, as asociacións culturais O Galo de Compostela e Vagalumes da Estrada lembran Alfonso Daniel Rodríguez Castelao e o seu discurso Alba de Gloria. Coordinado por Marcos Maceira, o libro De Compostela ao Pico Sacro recolle agora todos os discursos que se fixeron ao longo destes anos nesta celebración.

Interpretaranse obras nacionalistas e impresionistas.

Denuncia que impor a auto diagnose e o pagamento dos antíxenos en lugar de reforzar a atención primaria é un paso máis na privatización da sanidade.

Trátase dunha actividade complementar a exposición 'Castelao en Europa. A viaxe de 1921' a través da impresión con tipos móbiles e empregando materiais da época. 

As Milicias Galegas non escaparon ao mal fado da historia que é de nos. Ao fin, un outro capítulo dese pasado que chega deformado por unha trepia sinistra empeñada en presentar a Galiza como unha simple extensión do relato español, ao pobo galego como unha realidade submisa e ao nacionalismo como un movemento politicamente irrelevante.