limpeza

Os sindicatos alertan da posibilidade de folga se non hai acordo para o novo convenio.

En Pontevedra, os sindicatos anuncian que continuarán coas mobilizacións de non hai acordo na mediación. Mentres, Aspel recúa e recoñecerá a suba salarial de 9,8% na Coruña.

No mes de abril, indica a Seguridade Social, formaban parte do colectivo de traballadoras do fogar 23.145 persoas, das que 22.581 son mulleres e 564 homes. Un grupo de investigadoras e investigadores da Universidade da Coruña (UDC) estudou as posibilidades de que conten con convenio colectivo. Unha das propostas de actuación  apunta como posibilidade incentivar que se asocien as persoas empregadoras.

No acto, lembráronse tamén das figuras dos sindicalistas Xesús Arrizado e Fernando Solla, que faleceron o pasado ano 2023.

Traballadoras e traballadores da limpeza do Complexo Hospitalario Universitario da Coruña (Chuac) mobilizáronse esta cuarta feira por quinto día -nunha manifestación que comezou e rematou ante as portas da Xerencia da área sanitaria- para exixir á empresa concesionaria do servizo, Acciona, "que aplique xa as melloras retributivas e de redución da xornada anual pactadas para o persoal do Servizo Galego de Saúde (Sergas) e as súas contratas".

A CIG quere pór en valor a exemplar loita levada adiante polas traballadoras da limpeza, que foron capaces de "soster unha folga durante 130 días para enfrontar unha patronal moi belixerante e intransixente"

Traballadoras e traballadores do servizo de limpeza do Complexo Hospitalario Universitario da Coruña (Chuac) continuaron esta cuarta feira coa súa xeira de mobilizacións para reclamarlle á empresa concesionaria, Acciona, que "cumpra co acordo de melloras retributivas e de redución da xornada anual", e demandarlle ao Servizo Galego de Saúde (Sergas) "que interveña".Así, deron continuidade ás tres xornadas de protestas desenvoltas a pasada semana contra a pretensión da compañía de "absorber os incrementos retributivos e a redución da xornada anual pactados para o persoal do Sergas, a través das melloras que as traballadoras e os traballadores da limpeza do Chuac xa conseguiran hai unha década por sentenza xudicial". Mais isto, denuncian, "non é cumprir co acordo, senón vulnerar os nosos dereitos". Ademais, entenden "que se trata dunha discriminación xa que noutros servizos de limpeza hospitalaria adxudicados a Acciona non están tendo esta problemática". De feito, din, "o propio Sergas deulle como prazo máximo para aplicar o acordo ás contratas até xaneiro".

A CIG defende que as condicións dos traballadores e traballadoras da limpeza "deben estar equiparadas ás do persoal público do Sergas".

As profesionais, que levan 102 días en folga indefinida, reclaman a inclusión no convenio de cláusulas de revisión.

Traballadoras da limpeza en folga e representantes da CIG acaban de iniciar un peche no edificio administrativo da Xunta de Galiza en Lugo para reclamar a intervención activa da administración no conflito, que a patronal está a prolongar ao negarse a pór enriba da mesa unhas propostas que permitan chegar a acordo digno e teimar en manter as táboas salariais por debaixo do SMI. 

A CIG rexeita e condena este suceso "covarde e insolidario" e avanza que estuda presentar unha denuncia ante a Policía.

Alfredo (nome ficticio), é un dos traballadores de Seaga (Servizo Agrario Galego), unha empresa da Xunta da Galiza que durante este días se encontra traballando na limpeza das praias de pellets de plástico. ‘Nós Diario’ entrevistou Alfredo para coñecer como está a operar o Goberno galego ante a crise dos pellets na costa galega.

Traballadoras e traballadores da limpeza na Galiza protagonizou onte unha xornada reivindicativa coa intención de mostrar a súa intención de non ceder ante a patronal e procurar melloras salariais. As principais cidades galegas acolleron asembleas e varias mobilizacións de protesta. En Lugo, as traballadoras levan máis de 80 días de folga indefinida e continuaron esta cuarta feira coa demanda dun novo convenio.

Os sindicatos convocaron a folga para demandar un "convenio digno", tras meses negociando coa patronal sen que se producisen avances.

A Xunta publicou na segunda feira no Diario Oficial da Galiza (DOG) os servizos mínimos para a folga, nos cales se recolle que deberán traballar 100% dos empregados que operen nas unidades de coidados intensivos (UCI) dos hospitais, así como nas urxencias, laboratorios de urxencias, radiodiagnóstico de urxencias, área de cirurxías, reanimación posquirúrxica, reanimación cardíaca, oncoloxía radioterápica, hematoloxía e hospital de día e diálise.

CIG, CCOO e UXT convocan 24 horas de paro.

O persoal da limpeza da circunscrición de Lugo leva 66 días en folga para requirir á patronal "un salario digno". Porén, as xornadas de paro seguen e a mobilización medra sen que chegue un acordo que se axuste ás súas reivindicacións. Denuncian que teñen soldos por baixo do salario mínimo e que a patronal quere absorber a súa antigüidade no novo convenio. Neste contexto, as traballadoras de Pontevedra decidiron unirse na "loita" e irán á folga o vindeiro 10 de xaneiro.

Despois de máis de 60 días en folga a "causa do inmobilismo patronal, a Xunta non pode continuar mirando para outro lado mentres as grandes empresas do sector teñen secuestrada a negociación colectiva e pretenden consolidar a precariedade laboral e un convenio colectivo con táboas salariais por debaixo do salario mínimo", indican desde a CIG-Servizos.