espolio

Este domingo 8 de maio terá lugar ás 12.30 horas en Esteiro (Muros) a presentación do caderno 'A illa da Creba. Un baldío comunal', editado pola fundación Galiza Sempre. O acto, que levará por título 'Pola recuperación da illa da Creba', decorrerá no local social da Esteirana. Nós Diario fai un repaso sobre a historia desta illa, que fica en mans privadas.

A Planificación da Rede de Transporte de Electricidade até 2026 aprobada pola empresa pública estatal Rede Eléctrica Española (REE) avanza na tradicional especialización produtiva, perpetuando o papel da Galiza como xeradora de enerxía e de Madrid como consumidora.

Os datos recollidos na última entrega do boletín estatístico do Banco de España, referidos á totalidade do exercicio de 2021, sinalan que o sistema financeiro expatriou da Galiza nese período un total de 28.902 millóns de euros cara a outros territorios, destacando a Comunidade de Madrid como principal beneficiada.

 

A Galiza xerou en 2021 7.689.622 de megawatts á hora de electricidade de orixe hidráulica. Segundo sinala a Nós Diario Fernando Branco Parga,  integrante do Colectivo Bidán, “sendo a produción total no país mediante a tecnoloxía hidráulica no pasado ano, tal é como indica Rede Eléctrica Española (REE), de 7.689.622 Mw/h, a un prezo medio de 111,4 euros no mercado grosista, os ingresos na Galiza das eléctricas  con centrais hidráulicas situáronse en 856 millóns de euros”.

Os datos publicados onte por Rede Eléctrica Española (REE) sobre a xeración eléctrica en 2021 certifican que a Galiza segue a ser un territorio exportador, cunha produción de 24.205.021 megawatts/hora durante o pasado exercicio. Ao tempo, confírmase a tendencia de 2020 sobre a xeración de orixe renovábel, que sumou 17.974.300 megawatts por hora, sendo superior ao consumo interno galego.

O complexo pesqueiro galego fecha filas contra o parque eólico mariño proxectado fronte á costa Ártabra pola compañía Parque Eólico Marino Nordés S.L, unha sociedade formada polas mercantís Bluefloat Energy e Sener. Confrarías de pescadores, asociacións de armadores e organizacións de produtores de toda a costa galega reuníronse onte en Ferrol para expresar o seu rexeitamento á iniciativa e defender a continuidade da actividade pesqueira na zona.

O economista e profesor Universidade de Compostela Adrián Dios achega información da produción eléctrica da Galiza e formula unha reflexión sobre a posición a manter de cara ao debate da transición enerxética.    

Os datos recollidos na última entrega do boletín do Banco de España, referidos aos tres primeiros trimestres do ano 2021, sinalan que o sistema financeiro ten expatriado da Galiza nese período uns 26.475 millóns de euros cara a outros territorios, sendo a Comunidade de Madrid a principal beneficiada.

A asemblea xeral da comunidade de montes de Santiago de Covelo rexeitou de xeito unánime a instalación dun parque eólico en terreos da súa propiedade. O proxecto, promovido pola empresa Adelanta, pretende erguer un parque eólico de 48 megawatts entre os concellos de Covelo e da Cañiza.

54 parques eólicos cunha potencia total de 1.254,7 megawatts están instalados en terreos da Rede Natura. Malia que a Galiza é o territorio do Estado con menos superficie sometida a este tipo de protección, 107.063 hectáreas da mesma están ocupadas por instalacións eólicas.

Os datos de xeración e consumo eléctrico dan conta das relacións de poder no interior do Estado. Mentres unhas áreas se especializan en produción de baixo valor engadido, outras céntranse na elaboración de mercadorías de alto valor. A actual lóxica do mercado eléctrico español explícase nesa variábel.

Nun principio, as e os familiares do ditador tiñan a intención de quedar con patrimonio inventariado no interior do pazo como as estatuas de Abraham e Isaac (atribuídas ao Mestre Mateo) e parte da biblioteca de Emilia Pardo Bazán, pois a outra parte está en poder da Real Academia Galega (RAG).

A represión económica foi outro capítulo do terror franquista. A mesma afectou particulares de inequívoca práctica democrática mais tamén organizacións sindicais, sociais, culturais e políticas. O acontecido coa Juventud Lerezana foi unha mostra disto.

O Xulgado de Primeira Instancia número 1 da Coruña desestimou o recurso interposto pola familia do ditador contra a suspensión das actuacións no complexo. O 22 de outubro todas as partes implicadas na liorta polos bens patrimoniais que garda o inmoble, entre eles figuras do Mestre Mateo, terán que acudir ao lugar para determinar "que bens deben ter a consideración de inmobles".

O Ministerio de Transición Ecolóxica vén de abrir expedientes informativos ás dúas multinacionais eléctricas polo aproveitamento das presas de Belesar, Portas, Cenza e Salas, pois poderían estar a incumprir o caudal ecolóxico fixado por lei. Ecoloxistas en Acción denunciaba esta mesma cuarta feira as dúbidas sobre a auga que se estaba a soltar no Salas.

A plataforma Eiquí Eólicos Non e a cidadanía en xeral alertan de que a instalación dos muíños e a súa infraestrutura de distribución da enerxía causarían danos irreversíbeis a nivel económico, industrial, paisaxístico e mesmo cultural. Lembran que esta zona de especial valor está no punto de mira de oito proxectos e advirten de que a mobilización cidadá de carácter masivo vai continuar para loitar contra o "espolio".

A plataforma Monfero Di Non publicita a través da súa web cartografía na que se amosa a afección que teñen ou terían os parques de aeroxeradores en determinadas zonas como Vimianzo, Cabanas, Oza-Cesuras, Friol, Carral, Fisterra, As Pontes, Betanzos ou Cabanas entre outras localidades. Tamén invita a crear a túa propia realidade eólica coa información da que dispós e a axuda de profesionais de diversos ámbitos.