entrevista

Acudir por conta propia a unha praia pode acabar provocando danos ao ecosistema, alerta a activista Bibiana Lorenzo.

Belém Tajes é cantante, compositora e especialista en musicoterapia. A artista vén de publicar 'Arou'79', o primeiro sinxelo do seu novo disco que chegará en abril. Neste tema, Tajes parte dunha gravación da súa avoa cantando en Arou, no concello de Camariñas (Terra de Soneira) no ano 1979, e que foi rexistrada por Dorothé Schubarth, a musicóloga suíza que contribuíu enormemente á recollida e recuperación do patrimonio musical galego. Con este single, Tajes homenaxea a súa avoa e Schubart, mais tamén a música e as expresións artísticas tradicionais da Galiza.

A Asociación para a Defensa Ecolóxica da Galiza (Adega) coordinou para esta cuarta feira varios grupos de voluntariado para limpar diversas praias galegas afectadas pola crise dos pellets. Carballo, Noia, Fisterra, Muros ou Porto do Son os cinco concellos en que esta actuación se centrará principalmente. Unha das coordinadoras destes grupos de voluntariado é María Amigo, de Adega coa que 'Nós Diario' conversou para coñecer a situación e os pasos a dar.

Baia Fernández de la Torre é escritora de contos ilustrados, poeta, comunicadora e adestradora emocional. Dentro desa polivalencia, ela mesma se define como "creativa". Agora vén de publicar 'Caracol, cara de col'; un álbum con ilustracións de Tania Solla e concibido para a cativada que padece dislexia e que trata sobre a importancia da autovaloración e da aceptación dunha mesma. Con este traballo, financiado a través do mecenado, Baia Fernández busca promover o galego e lograr que os nenos e nenas con dislexia non se desconecten da lectura.

"A situación é grave", así define a alcaldesa do Concello de Muros (comarca homónima), María Lago, a crise dos pellets que afecta especialmente o seu municipio. 'Nós Diario' conversa coa rexedora para coñecer as problemáticas que se están a dar na limpeza dos areais muradáns e os seguintes pasos a dar.

Óscar Senra (Sanxenxo, O Salnés, 1976), integrante de MAOS Innovación Social, é un dos impulsores de 'Compostela en Conflito', unha iniciativa que desenvolve da man do editor e investigador Xosé Antón Serén, a xornalista e escritora Marga Tojo e a traballadora social, sexóloga e fotógrafa Verónica Ramilo, co obxectivo de comprender o presente da cidade mirando cara ao seu pasado.

Se houbese que estabelecer unha Santísima Trindade de futbolistas galegas contemporáneas sería difícil argumentar en contra da conformada por Tere Abelleira, Vero Boquete e Mari Paz Vilas (Vilagarcía, 1988), a eterna goleadora que segue perforando redes, agora na moderna Queens League.

Rosi Mella (As Neves, O Condado, 1996), máis coñecida baixo o nome artístico de Temible Olivina, é a DJ do grupo de rap Flow do toxo, mais tamén vén de comezar a súa carreira como cantante en solitario tras o lanzamento do seu primeiro tema, Esterco.

Despois de internarse no mundo dos contos tradicionais e darlles unha nova ollada, e tras outras dúas novelas nas que as personaxes femininas teñen un gran protagonismo, Ana Cabaleiro (Silleda, 1974) regresou cunha obra que se afasta de todo o anterior: Xa vemos palmeiras (Xerais, 2023). A cabalo entre a crónica de viaxes, a novela e mesmo o ensaio, o libro parte dunha viaxe organizada que realiza unha muller en fin de ano ao deserto. Unha anécdota que lle serve á xornalista de Saídres para artellar unha trama con moitas reflexións sobre o presente.

Joseba Asiron (Iruña, 1962) volveu á Alcaldía da súa cidade natal a semana pasada, despois dunha moción de censura na que EH Bildu recibiu o apoio do PSN, algo que ocasionou grandes titulares. Desde as súas primeiras horas como alcalde, Asiron admite que non puido parar nin un minuto e sabe que será así no futuro. Un futuro que contempla con moita ilusión.

Miguel Mosqueira (Lalín, 1982) é un dos integrantes de Ataque Escampe, que estará presentando o seu último LP, 'Cabalgata', na súa "Xira dos Cabaliños" con concertos dentro e fóra da Galiza até a primavera.

Miriam Rodríguez (Mos, comarca de Vigo, 1984), vén de ser galardoada no Certame de Curtas da Asociación Socio-Pedagóxica Galega (AS-PG) pola súa peza Arden as bruxas, realizada a partir do poema homónimo de Paula Carballeira.

Tras dous videoclips, ‘Unha revolución’ e ‘Cadáver sen cabeza’, Loita Amada, o grupo liderado por Jásper, estreou esta cuarta feira nas plataformas musicais, redes sociais da banda e en formato físico o seu segundo traballo discográfico.

Óscar Valadares é o voceiro da organización internacionalista galega Mar de Lumes. Aproveitando o décimo aniversario da fundación da entidade, analiza para Nós Diario os retos do colectivo, no marco dun contexto internacional cheo de incertezas e onde o recurso á guerra gaña forza en todo o planeta.

Óscar Manuel Guzmán (Vilamarín, Ourense, 1970) vén de ser galardoado co Premio de Novela Vilar Ponte, que impulsa o Concello de Viveiro, pola súa obra 'Pero... Como morren as pegas?', onde mestura unha trama propia da novela negra con outros temas como a migración, a conexión da Galiza con Portugal e os lazos de sororidade entre as protagonistas femininas.

José Perozo (Vigo, 1979) inaugura 'Antropotectura', unha exposición que estará aberta ao público na galería Monty4 (A Coruña) até o 2 de febreiro e que aborda a relación da arquitectura co corpo humano.

Xesús Fraga (Londres, 1971) é o comisario de As xeracións do Montserrat. Memoria emocional da emigración galega ao Reino Unido, unha exposición que estará aberta ao público até o 14 de xaneiro no Kiosco Alfonso (A Coruña).

Defínese a si mesma como unha compositora de autoestima cultural, que cadra moi ben con ese crear continuo a partir do zume que nutriu as súas raíces durante un cuarto de século de recollida. Espallouno durante anos dando clases e, cumpridas xa dúas décadas desde os seus primeiros traballos, na escena compartida con outras mulleres. Ten claro Mercedes Peón (Oza-Cesuras, 1967) que é así, e non de xeito piramidal, como se constrúe nación, aínda que, advirte, ata a tradición pode ser efémera.

Jorge Boquete (A Coruña, 1991) é o director da webserie A arte de ser (mal) pai, que fora galardoada co premio do público durante a pasada edición do Carballo Interplay e que vén de ser recoñecida como a primeira serie en galego en alcanzar o galardón mellor episodio piloto do Festival Serielizados.

Lidia Parada (A Pobra do Caramiñal, 1993) é catro veces campioa de España en categoría absoluta de lanzamento de xavelina. Tras unha lesión que non lle permitiu ir aos Xogos Olímpicos de Tokio 2021, segue firme na súa idea de chegar a París 2024 despois de arrastrar varias lesións e de non poder competir nesta tempada.