entrevista

Iván Prado (Lugo, 1974) é membro de Pallasos en Rebeldía, que organiza, xunto co Grupo de Traballo de Igualdade de Xénero da Facultade de Ciencias da Educación da Universidade da Coruña, o recital da poeta palestina Rafeef Ziadah pasado mañá na cidade herculina. O evento conta coa colaboración da Deputación da Coruña, Galiza por Palestina, a Agrupación Cultural Alexandre Bóveda, BDS Galiza e Sugxpal.

Marta Lado (Fisterra, 1981) é un dos nomes imprescindibles do panorama escénico e audiovisual galego. Creadora versátil, precisa e intuitiva, Lado é unha forza natural que combina consciencia e intuición, razón e emoción. A fisterrá vén de recibir o Premio María Casares á Mellor Actriz Protagonista pola súa defensa de Helena, a heroína do espectáculo 'Unha inimiga do pobo' co que Talía Teatro conseguiu un total de sete galardóns. Falamos con ela sobre a súa forma de entender a profesión e a necesidade de berrar máis, aínda que sexa para defender o obvio.

Verónica Santalices (Vigo, 1978), xunto con Federico Wellicki, busca achegar a figura da homenaxeada polo Día das Letras Galegas 2024, Luísa Villalta, ás crianzas a través dunha colaboración entre a compañía Oviravai e a editorial Galaxia: 'O violino de Luísa'.

Serxio Núñez é natural da parroquia de Visantoña (Santiso, Terra de Melide). Mestre de primaria, é ademais abandeirado da loita contra a instalación da celulosa de Altri no concello veciño de Palas de Rei. Co nacemento da Plataforma Ulloa Viva, creouse o colectivo Santiso Vivo, do que Serxio Núñez é voceiro.

Matías Losada é, xunto con Marina Pérez, un dos fundadores da cooperativa Marma. Esta foi galardoada no II Certame de Fondos de Proxectos Culturais Reino de Galicia, promovido pola área de Cultura da Deputación da Coruña, polo seu proxecto 'Betanzos Capital: os segredos do Betanzos medieval'. Este explica, en formato vídeo, oito segredos ou anécdotas relevantes para a historia da cidade.

Susana Álvarez forma parte do Consello da Associaçom Galega da Língua (AGAL), que organiza, xunto coa Academia Brasileira das Letras (ABL), unha lectura continuada de 'A república dos sonhos' de Nélida Pinón. O acto, que conta co apoio da Xunta da Galiza e do Concello de Compostela, dará comezo en Rio de Janeiro e continuará o 3 e o 4 de maio na Cidade da Cultura, na capital galega.

O escritor Agustín Agra (Noia, 1966) é o autor de 'O livro das contrárias', galardoado no XXVI Certame de Narración Curta Ánxel Fole -promovido polo Concello de Lugo- e que recolle as voces e olladas das mulleres no ámbito científico.

Eire Cid (Vigo, 1991) e Rosalía Quiroga (A Guarda, 1993) son as creadoras de 'A moza que abortou e o contou', premiada no Carballo Interplay de 2023 na categoría de mellor proxecto de serie web e estreada no festival deste ano que está a decorrer esta semana na vila bergantiñá.

O BNG pon o foco no debate enerxético para este inicio de lexislatura. Esta mesma semana a formación rexistrou no Parlamento dúas proposicións de lei que perseguen dotar o país de maiores competencias para estabelecer unha tarifa eléctrica propia e constituír unha empresa pública de enerxía. 'Nós Diario' conversa co deputado Xosé Manuel Golpe (Irixoa, 1972), experto en enerxía, sobre estas iniciativas.

Eva Veiga (Ombre, Pontedeume, 1961) acaba de ser recoñecida pola Academia Galega de Audiovisual co premio de Honra Fernando Rey polo traballo realizado nos albores da TVG. O seu foi un dos cinco primeiros rostros cos que se familiarizou a audiencia da canle pública e aínda que unha leucemia e os problemas de visión que lle provocou o tratamento a afastaron das cámaras, seguiu sempre vinculada á comunicación a través da poesía, a música ou o cine. Proba da súa mestría coa palabra foi o discurso, tan vindicativo como emotivo, que ofreceu na gala. Inesquecíbel.

Antonio García Teijeiro (Vigo, 1952) é o autor de 'Os ecos do vento' (Kalandraka), un álbum ilustrado por Noemí Villamuza con doce poemas dedicados a creadoras, poetas e narradoras de ambos os lados do Atlántico.

Susana Sampedro (Ribeira, 1978) vén de ser recoñecida co Premio Mestre Mateo a mellor actriz de reparto polo seu papel de Carme no filme 'Matria' (Álvaro Gago, 2023). Sampedro aborda o percorrido da cinta así como a súa propia traxectoria.

Ana Fernández, doutora en Hidroloxía e xestión de recursos hídricos e portavoz de Augas de Adega, explica a 'Nós Diario' as implicacións do proxecto de Altri en Palas de Rei.

Henrique Monteagudo (Esteiro, Muros, 1959) foi un dos conferenciantes no 'Simposio Xosé Luís Pensado. 100 anos (1924-2024)', que decorreu en marzo na Facultade de Filoloxía da Universidade de Santiago de Compostela. Monteagudo interviu sobre a contribución do propio Pensado ao coñecemento de Martín Sarmiento.

A mortaldade do marisco mantivo as mariscadoras de Arcade, en Soutomaior (comarca de Vigo) nunha parada forzada desde novembro. Após meses de espera para regresar aos bancos, atópanse cos atrancos da confraría para volver traballar: négalles a embarcación para supervisar e comezar a rexenerar os fondos.

A produtora Eva Alonso (Compostela, 1982) e a directora Clara Gayo (Vigo, 1971) son dúas das involucradas en 'As damas de Ferrol', unha revisión do texto teatral de Eduardo Alonso unida a todo un proxecto que vén de ser recoñecido co Premio de Igualdade Luísa Villalta da Deputación da Coruña.

Lindsay Semel (Nova York, 1991) é a autora gañadora da IV edición da Residencia Xacobeo. Así, será a encargada de traducir ao inglés a novela No ventre do silencio, de Xosé Luís Méndez Ferrín. 

O 'Diario 1921. Francia, Bélxica, Alemaña' de Castelao foi o último libro do rianxeiro en ser coñecido e durante moitos anos chegou a nós censurado e mal editado. O investigador e editor Anxo Rabuñal Rey (Compostela, 1963) pasou o traballo de  analizalo a fondo e cun traballo de investigación moi detallado consegue entregar un ensaio —'O pintor e a vida moderna' (Serbal, 2024)— que desvela e actualiza o pensamento sobre a arte dun Castelao que, tamén por problemas visuais, decide deixar a pintura, e encarreirarse como debuxante nunha arte de intervención que compatibilizou simultaneamente cunha acción política incesante. Unha viaxe na que tamén muta en autor literario e reconduce as súas orientacións ideolóxicas e relixiosas.

Roberto Casal (Redondela, 1980) é un dos fundadores de A Fedora, conserveira cultural, un espazo que pretende recuperar unha antiga nave industrial da vila redondelá (na comarca de Vigo), tanto para o público como para dar cabida a artistas e proxectos.

Paula Alonso (Riotorto, 1989) é a presidenta de Cuac FM, a radio comunitaria da Coruña que vén de celebrar o seu 28 aniversario. Alonso fai un balance do camiño percorrido e aborda os retos dos anos vindeiros.