arqueoloxía

O deputado provincial de patrimonio, Xosé Lois Penas, e representantes dos concellos aos que atinxe o proxecto do Parque Arqueolóxico Compostela Rupestre, mantiveron unha reunión en Teo na que avanzaron na posta en marcha do proxecto.

As escavacións realizadas o pasado verán descubriron unha monumental muralla con seis metros de ancho e até catro de altura. Daquela recolleron mostras para datar a súa construción, que sería anterior á Idade de Ferro.

A arqueoastronomía é unha disciplina científica que estuda o papel xogado pola astronomía nas culturas do pasado e que nos descobre que os aliñamentos cos fenómenos astronómicos como os equinoccios e os solsticios non son exclusivos das pirámides exipcias ou de Stonehenge: a Galiza está inzada destas construcións.

Serían as primeiras fotografías da "arqueoloxía subacuática", segundo o Concello. O alcalde, Abel Caballero, presentou co xornalista, Eduardo Rolland, estos restos do patrimonio cultural de Vigo e a súa comarca esta quinta feira. "O verdadeiro significado deste tesouro fotográfico obtense ao cotexar estas fotos coas memorias da expedición de Hippolyte Magen, na que se estrearon adiantos técnicos como as lámpadas eléctricas de iluminación submarina", explicaron.

Un grupo de arqueólogas de universidades de Lisboa e Madrid así como expertas do Instituto de Ciencias do Patrimonio do CSIC investigan en Pantón para aclarar a historia deste lugar privilexiado da Galiza. Así mesmo, traballan nos restos do mosteiro de San Vicenzo de Pombeiro.

As escavacións que se realizan na parroquia de Proendos, en Sober, revelaron "un gran hórreo romano" que podería ser o de maior tamaño do noroeste da Península ibérica.

Álvarez achou nunha mámoa de Cambados un ídolo megalítico. O docente entregou a peza para que chegara ás mans de Patrimonio.

A obras dunha senda ciclista e a memoria da veciñanza de Parderrubias, en Salceda de Caselas, propiciaron a descuberta dun xacemento que achega información nova sobe o Paleolítico galego. Expertas en arqueoloxía inician o estudo da industria lítica recuperada cuxa xestión e divulgación lle corresponde a Patrimonio Cultural.

O arqueólogo Xulio Carballo analiza o que supuxo o proxecto 'Trazas de Pontevedra' na intervención en 18 castros e xacementos romanos co exemplo, nesta ocasión, no castro de Alobre, en Vilagarcía. Lamenta que primase o 'efectismo' e a 'desnaturalización' dos espazos fronte aos criterios de restauración, divulgación e musealización.

O 21 de xullo o historiador Erik Carlsson-Brandt Fontán defendeu a súa tese de doutoramento. O traballo de investigación, baixo o nome ‘Arqueoloxía do Poboamento Rural na Galiza Romana: as Villae e outras formas de ocupación do espazo (s. I-V d.C)', foi dirixido polos profesores Fermín E. Pérez Losada e José Manuel Caamaño (quen non puido ver os resultados da investigación tras falecer en 2019). O traballo desenvolveuse no eido da Escola de Doutoramento Internacional da USC (EDIUS).

Hai dez anos comezaban as escavacións da Cibdá de Armea, en Allariz, e o concello celebrouno esta sexta feira cunha visita institucional que se suma ás actividades programadas con motivo da efeméride.

Idepatri é unha infraestrutura de intercambio de información xeolocalizada froito da colaboración da Universidade de Compostela (USC) e do Centro de Supercomputación da Galiza (Cesga) que está destinada a almacenar e compartir datos arqueolóxicos entre as persoas investigadoras. Nós Diario conversa co impulsor desta ferramenta, o investigador do Cesga Emilio Abad, que integrou o Grupo de Estudo para a Prehistoria do Noroeste Ibérico, Arqueoloxía, Antigüidade e Territorio (GEPN-AAT).

Novas datacións arqueolóxicas sitúan a fundación no século II a. C. 

Vanesa Trevín Pita traballa como arqueóloga profesional desde o ano 2012. Actualmente é a directora das escavacións arqueolóxicas do Castro de Doade, en Lalín, e representa xunto con outros compañeiros a iniciativa empresarial CADO Arqueoloxía desde 2019. A partir de 2016 entra no proxecto Sikait Project, que investiga as minas de esmeralda da zona do Mons Smaragdus, próxima ao porto de Berenike, en Exipto. Este sábado 29 de maio participará nun faladoiro en liña organizado pola Fundación Cidade da Cultura con motivo da exposición 'Faraón, Rei de Exipto'.

O Concello de Nigrán e a Comunidade de Montes iniciaron nos últimos días unha nova fase de escavación e musealización do Castro de Chandebrito destinada a conservar, consolidar e restaurar a muralla superior do primeiro recinto (datada no VIII a.C) e cuxa intervención se estima nun mes.

O suplemento fai propostas de interese para descubrir viños e alimentos da Galiza, así como detalles descoñecidos da cidade de Lugo. Se estás a procurar un plan, non deixes de ir aos puntos de venda habituais polo 'Nós Diario' que se publica mañá.

Bruno Rúa estudou Filosofía pola rama de Antropoloxía e Metodoloxía Científica. O interese por coñecer o patrimonio material e inmaterial da comarca de Monterrei levouno a percorrer todas as súas aldeas seguindo os pasos de Taboada Chivite. Deixou constancia gráfica de numerosos elementos pouco coñecidos trasladándoos ao grupo de Facebook que xestiona, “Tamagania, o país do Alto Tâmega”, que conta na actualidade con máis de 
5.000 membros. 

Miguel San Claudio Santa Cruz forma parte dunha familia moi relacionada co mar e co mergullo. Autor da tese sobre o espazo estratéxico que representou a nosa costa no século XVI, participou na recuperación recente de dous canóns en Corrubedo. Agora mesmo prepara a campaña para traballar no galeón de Ribadeo, que comezará no mes de xuño. Nesa vila ten previsto unha prospección no porto que conta con restos moi interesantes para entender os contactos marítimos no norte da Península Ibérica.

O Concello de Moaña comezou a restauración e posta en valor da torre medieval de Meira, situada nun enclave denominado Monte da Torre, con vistas sobre a ría de Vigo.

Os murais, que datan do século XV, foron detectados polo Centro de Conservación e Restauración San Martín na igrexa do mosteiro, que hoxe funciona como aloxamento turístico pero fornece a posibilidade de visitar algunhas estancias. As pinturas atopadas incrementan aínda máis o valor patrimonial e turístico do complexo.