CIG

A CIG traballará a prol da convocatoria dunha xornada de folga no conxunto do sector da limpeza, incluíndo aquelas empresas que teñen convenio propio, como son a universidade ou o Sergas

A CIG denunciou que a anulación do convenio da construción da circunscrición de Pontevedra por parte do Tribunal Superior de Xustiza da Galiza (TSXG) tras a demanda presentada pola patronal estatal supón “un auténtico golpe de Estado” contra os dereitos do persoal do sector e censurou que o empresariado pretenda impor, coa complicidade de CCOO e UXT, un marco estatal que empeora as condicións salariais e laborais. A central sindical nacionalista lamentou que tanto a patronal estatal como os sindicatos CCOO e UXT estean na dinámica de boicotear ou entorpecer as melloras que se obteñen no noso país, intentando impor o que se pacta en Madrid “aínda que supoña unhas condicións miserentas que empobrecen o persoal do sector".

“Non hai emprego nin seguro, nin con condicións dignas”, manifestan desde a CIG.

Os datos facilitados esta quinta feira polo Instituto Nacional de Estatística (INE) confirman a posición dominante do sector servizos nos novos contratos coincidindo co período estival. Os sindicatos alertan da creación de emprego precario no mercado laboral galego.

“O compromiso electoral da CIG-Ensino, así como o de todos os sindicatos con representación, aínda expresado novamente nas eleccións sindicais de decembro de 2022, era claro especialmente no referido á recuperación dos horarios lectivos de 21 horas en infantil e primaria e de 18 no resto das ensinanzas”, indican desde o sindicato nacionalista.

A central sindical acusa á Xunta de realizar unha interpretación "retorta" das incompatibilidade para "asoballar" e "abusar" do seu persoal.

O próximo día 24 tres centrais sindicais que representan 60% do sector chaman a un paro xeral no ensino. Suso Bermello (A Coruña, 1965), secretario nacional da CIG-Ensino, a forza maioritaria, explica nesta entrevista as motivacións da folga, reclama a reapertura de negociacións coa Consellaría e centra a demanda principal nun calendario de rebaixa da carga lectiva do profesorado como condición indispensábel para mellorar a calidade educativa.

As organizacións sindicais CIG-Ensino, CCOO-Ensino e SNEP deron comezo esta quinta feira á primeira das catro xornadas de folga convocadas nas escolas infantís de 0 a 3 anos "ante inmobilismo das patronais na negociación do XIII Convenio Colectivo de centros de educación infantil".

"A mensaxe é clara. Hai unha Consellaría de Educación que tirou pola borda as demandas históricas do profesorado e hai tres organizacións que, claramente teñen un carácter maioritario no conxunto do profesorado, revelámonos contra ese acordo", esgrimiu o secretario nacional da CIG-Ensino, Suso Bermello.

A CIG pediu ante a Inspección de Traballo que feche o Centro de Tratamento Automatizado (CTA) en Lavacolla, en Santiago de Compostela, por "risco biolóxico" debido á presenza de ratas, cascudas e insectos, segundo denuncia o sindicato. Nun comunicado, explica que se pide este fechamento mentres "non se proceda á limpeza e desinfección do centro de traballo", o cal se encarga da clasificación da correspondencia e paquetaría para toda a Galiza. Neste centro traballan unhas 150 persoas repartidas en tres quendas durante sete días á semana. A CIG alerta que este persoal traballa "en condicións insalubres". Apunta que hai 15 días o servizo de prevención de Correos confirmaba que había un risco moderado, pero advertía da posibilidade de risco grave, no cal se atopan agora, segundo estima o sindicato nacionalista.

A Autoridade Independente de Responsabilidade Fiscal (Airef) desmentiu esta terza feira as proxeccións coas que a Consellaría de Economía basea a proposta do proxecto de orzamentos de 2024, o mesmo día en que o conselleiro, Miguel Corgos, presentou as liñas principais das contas aos sindicatos.

Esta segunda feira, o sindicato nacionalista desmarcouse de novo do acordo asinado entre a Xunta da Galiza e os sindicatos CCOO, UXT e ANPE a semana pasada e reitera a súa proposta a este respecto: "Amosamos con datos contundentes que 74% do profesorado obtería unha suba superior á pactada", din, ao tempo que denuncian novamente un acordo que "incide na segregación e división do profesorado, ademais de nas ratios e o horario, tamén no apartado salarial".

CCOO, ANPE e UXT asinarán esta cuarta feira o acordo ao que chegaron co Goberno galego

A central nacionalista, sindicato maioritario no sector, considéraa "insuficiente" e unha "chantaxe" por parte da Xunta da Galiza, mentres as outras organizacións sindicais valoran as "melloras" recollidas no documento remitido pola Consellaría.

As Direccións de CCOO e ANPE deciden hoxe a súa postura

Os sindicatos decidirán esta terza feira se apoian ou non a proposta da Consellaría de Educación de rebaixa de horario lectivo para docentes e cocientes, da cal a Confederación Intersindical Galega (CIG) xa se desmarcou. A Consellaría de Educación trasladou esta segunda feira aos sindicatos a proposta definitiva, similar á xa avanzada a semana pasada. Así, dáse de prazo até o mediodía desta terza feira, 10 de outubro, para pronunciarse. A mesa sectorial está conformada por CIG, CCOO, ANPE e UXT. O secretario nacional de CIG-Ensino, Suso Bermello, incide no rexeitamento do seu sindicato a unha proposta que é "exactamente" igual á da semana pasada, "sen ningún tipo de cambio".

"Transcorreron case tres meses desde a reunión coa patronal (o 27 de xuño) e non recibimos resposta. Isto demostra un absoluto desprezo cara ao sector da limpeza", denunciou a representante de CIG-Servizos en Lugo, Asunción Castiñeira

No interior dunha céntrica oficina de Abanca en Santiago varias persoas portaban cartaces que pedían a nacionalización da banca para ficar "ao servizo do pobo".

A Confederación Intersindical Galega (CIG) convocou para esta cuarta feira día 4 de outubro, asembleas de delegadas e delegados para analizar a actual situación económica, laboral e social. Ao seu remate, están previstas concentracións simultáneas, nas sete cidades, ás 12 horas. A central sindical denuncia o “gravísimo incremento dos prezos dos produtos de primeira necesidade, que está provocando, á súa vez un medre desbocado da inflación”. Unha situación que, xunto a suba do euribor e, en consecuencia das hipotecas, está afogando economicamente as familias e a clase traballadora no seu conxunto.