Xosé Luís Méndez Ferrín

Entrevista do presidente do Consello da Cultura Galega, Ramón Villares, coa Radio Galega. O historiador valorizou como "desproporcionada e extemporánea" a demisión de Ferrín.

Como xa adiantou o semanario Sermos Galiza no seu número 39, sectores críticos con Ferrín preparan unha candidatura á presidencia da Real Academia Galega que encabezaría o profesor Alonso Montero (1928) e na que tería un papel moi relevante a directora do Instituto da Lingua Galega, Rosario Álvarez (1952). En frente terían unha listaxe que lideraría o actual tesoureiro da entidade e home próximo a Ferrín, Manuel González (1951).

A RAG corre un serio risco, segundo o seu ex presidente. Sobre ela pende unha tripla ameaza: absorción, estrangulación e perda de identidade. Mas Ferrín se resiste a nomear as persoas ou entidades que porían en perigo a institución fundada por Murguía.

O “compromiso persoal, intelectual, político e social” de Xosé Luís Méndez Ferrín foi recoñecido co Premio Otero Pedrayo 2012, a proposta do presidente da deputación de Ourense, Manuel Baltar. A candidatura contou, entre outros, cos votos da Consellaría de Cultura e da Deputación de Ourense e Pontevedra fronte á candidatura da revista Grial.

A Asemblea Nacional do BNG é o tema de abertura do número 39 do Sermos Galiza, xa no prelo. O dereito a decidir, no horizonte, é a manchete a toda plana. Partilla espazo coa demisión de Ferrín, o copagamento dos comedores escolares e as arelas dos crentes de base por construír outra Igrexa, moi distante da que simboliza o flamante papa Francisco.

Xosé Luis Méndez Ferrín consumou nesta cuarta feira a súa demisión como presidente da Real Academia Galega.  Ao saír do Pleno, perante a imprensa, afirmou que a institución está "en perigo" e que se acha ameazada "interna e externamente" polo que cualificou como "forzas intransixentes" contrarias á normalización da lingua galega. Pide "ao pobo galego" que defenda a RAG das "ameazas" que, afirma, penden sobre dela. A crise da RAG, lonxe de remitir, agrávase.

O presidente da Academia galega comparece esta segunda feira após asegurar o sábado que "sempre se pode cambiar de opinión", o que se pode interpretar como que abre a billa á reconsideración da súa demisión. En conferencia de imprensa na sede da rúa Tabernas (12 h), Ferrín terá que esclarecer se finalmente abandona a RAG ou se, pola contra, atende as voces que lle piden que continúe, entre elas a da Asociación de Escritores en Lingua Galega e a de Manuel Rivas. Algunhas fontes indican que Ferrín podería anunciar que a RAG vai formalizar o recurso de casación perante o Supremo arredor do chamado decreto do plurilingüismo.

O aínda presidente da RAG respondía así á pregunta de se pensa reconsiderar a súa demisión. Méndez Ferrín desenvolveu este sábado o que a priori se presentaba como o seu último acto á fronte da institución, porén o escritor deixou aberta a porta a unha posíbel mudanza no seu parecer.

Este sábado da 9 de marzo Xosé Luís Méndez Ferrín presidirá o que se anuncia desde a propia institución como último acto oficial á fronte da Real Academia Galega. A entrada do seu compañeiro de Brais Pinto, Xosé Fernández Ferreiro, porá o ramo á súa presenza na rúa Tabernas, se o escritor non escoitar as peticións cada vez máis fortes para que continúe na Academia, cando menos como numerario.

O presidente do Consello da Cultura Galega di que o cargo do cal Ferrín demitiu "non é difícil" e acrecenta que para o desempeñar cómpre unicamente "unha certa ascendencia na cultura galega" e "unha mínima capacidade de xestión e representación institucional"

O secretario da Academia Galega reafírmase nas súas afirmacións e fala de “colonización” do CCG e o ILG contra a institución até agora presidida por Xosé Luís Méndez Ferrín. Afirma tamén a existencia dunha “conspiración” contra a executiva presidida polo escritor. A crise da Academia agrávase.

En menos de un mes desenvolverase o pleno que deberá aceptar a carta de demisión de Xosé Luís Méndez Ferrín á fronte da presidencia e o seu abandono do posto vitalicio de numerario.O golpe na mesa do escritor abriu o debate arredor da institución e deitou luz sobre unha grave crise interna.

A Asociación de Escritoras e Escritores en Lingua Galega (AELG) pídelle a Xosé Luis Méndez Ferrín que siga nas súas funcións e non abandone a Academia.

A figura de Xosé Luís Méndez Ferrín exerceu sempre grande influencia no mundo da literatura, en especial, no ámbito poético. Son agora os poetas os que saen ao ámbito público para defendelo despois da demisión da Academia. Falan de "cainismo" e sosteñen que se deu unha “conxura” contra o autor de Con pólvora e magnolias.

O escritor Manuel Rivas pídelle a Ferrín que remate o seu mandato e baralla a posibilidade de abandonar a Academia. En declaracións a La Voz de Galicia, lamenta a situación “catastrófica” na que a demisión do presidente deixa á RAG.

A carta na que Xosé Luís Méndez Ferrín anuncia o seu abandono da Real Academia Galega revolucionou o mundo da cultura e fixo agromar un conflito con distintas caras que latexaba no interior. Acusacións de nepotismo, presións políticas, intereses económicos e tensións persoais saen á luz.

Ferrín non só demite como presidente, senón que bate na mesa ao deixar o seu posto de numerario na Academia. Contratación de familiares, guerra interna polo control, presións políticas polo recurso contra o decreto da lingua... a demisión de Ferrín tira á luz un enfrontamento interno que dá apaiencia de poliédrico. Henrique Monteagudo, Manuel Bragado, Pilar García Negro, Cesáreo Sánchez e Carlos Callón opinan sobre a situación.