Federación Galega de Automobilismo

As mulleres tamén teñen presenza no automobilismo galego. Malia a súa invisibilización durante anos, unha nova xeración puxa por estar en todos os ámbitos no mundo do motor. Coa mudanza de proxecto este ano na federación, ábrese tamén unha oportunidade para que entren novos valores femininos.

Esta fin de semana terá lugar a entrega dos premios do automobilismo galego da tempada 2022. Será o primeiro evento do novo presidente da federación, Antonio Rodríguez Troitiño.

Antonio Rodríguez Troitiño (Lalín, 1969) é o flamante presidente da Federación Galega de Automobilismo (FGA). O novo responsábel do motor galego personaliza as esperanzas de renovación nun organismo que levaba desde principios da década dos anos 80 rexido pola mesma familia.

Afeccionadas e afeccionados ao mundo do motor están de en hora boa. Este ano volve o Slalom de Moeche, unha das probas máis técnicas do circuíto galego, após dous anos sen realizarse. Será o vindeiro 16 de xullo e aínda está aberto o período de inscricións. A organización repite trazado, con algunhas novidades, e agarda unha participación récord. 

A Federación Galega de Automobilismo leva rexida pola mesma familia desde principios da década dos 80, cuns últimos anos moi polémicos que inclúen unha inhabilitación ou mostras de sexismo como recompensar as piloto con roupa interior. Antonio Rodríguez Troitiño (Lalín, 1969) quere acabar con todo iso desde Renova FGA.