cultura

Paula Chaves, a artista musical coñecida como Pauliña, está centrada en colaboracións con figuras de diferentes disciplinas mentres planifica a saída do seu próximo disco. Pauliña relata a súa participación no filme O home e o can, así como a colaboración no último traballo de Los Chikos del Maíz, todo isto conectado coa idea inicial do proxecto: “que incluíra todas as xeracións”. 

Esta quinta feira conmemórase o centenario do nacemento do escritor portugués.

A investigadora Malores Villanueva analiza 50 horas de conversa co escritor.

Xabier Groba, membro do Clube Espeleolóxico Maúxo, e Alba Cid, poeta, están detrás do libro Tesouro espeleolóxico galego (A Central Folque). Groba e Alba abordan cadanseu papel no volume así como a importancia de recoller estes datos que van, como din, “desde o interese natural ou xeolóxico até o histórico ou etnográfico”.

"Aprobamos unha protección social que moi poucos países teñen e que é unha das medidas pola que máis loitaron os traballadores da cultura", celebrou Yolanda Díaz.

A Real Academia Galega (RAG) inaugurou os actos en homenaxe a Francisco Fernández del Riego, autor ao que se lle dedica este 2023 o Día das Letras Galegas, na súa localidade natal de Lourenzá. A institución abriu unha páxina web e anunciou que as actividades que se realicen non rematarán en maio.

A Fundación Castelao realizou este sábado a tradicional ofrenda floral no Panteón da Galiza, en Compostela, nun acto seguido por un cento de persoas.

Jimena Andión, Yamini Teresa Prabhu e Laura Lorenzo son as integrantes de Samudra Trío, un grupo de música clásica que vén de publicar o seu primeiro traballo, Odisea. Andión, Prabhu e Lorenzo abordan as dificultades que presenta a industria musical ante o xénero clásico, mais tamén das que atopan na academia como mulleres novas coa idea de introducir compositoras non europeas nas súas referencias, xa que, como elas din, “aínda queda moito traballo por facer”. 

Fernando Castro Paredes, profesor e escritor, foi galardoado co Premio Álvaro Cunqueiro pola súa peza teatral O traxe, onde combina técnicas propias do monólogo cun ritmo áxil e a presenza do humor negro. Castro Paredes reflexiona arredor da construción de historias e personaxes así como dos certames literarios defendendo que “gañar un premio é unha improbabilidade estatística”. 

Durante o Nadal, os defuntos e as ánimas tamén están moi presentes na cultura do país

Aurora Marco, catedrática xubilada, foi galardoada antonte co Premio de Investigación e Ensaio Ramón Baltar Feijóo pola súa obra Irmandiñas. Marco aborda a invisibilización do papel das mulleres no movemento das Irmandades da Fala, así como a necesidade de recuperalo, xa que, como ela di, “o invisíbel tamén ten historia”.

Os tempos de esperanza sempre teñen a súa cara B. Naquel momento no que se vivía pensando que todo estaba por mudar e mudaría, a sociedade afrontaba moi diversas ameazas. O río da droga desbordábase entre a mocidade que impulsaba aquel tempo. O libro de Xulia Alonso (A Rúa, 1961) Futuro imperfecto (Galaxia, 2010), explicou como poucos aquela encrucillada que a tantas persoas lle custou a vida. Ela mesma sufriuno en carne propia, redobrado o risco despois pola aparición da SIDA, e hoxe insiste en contárnolo e chamar a non esquecer e a defender con uñas e dentes o sistema de sanidade pública.

A próxima edición dos Premios María Casares de Teatro incorpora unha nova categoría que escollerá a mellor obra de Teatro de Monicreques, Obxectos e Figuras Animadas. É un recoñecemento a un xénero que loitou moito tempo por desprenderse do estigma de ser un teatro para a cativada e, daquela, "de segunda". 

O BNG de Celanova cualificou a acción do Goberno municipal de "aldraxe" á figura do poeta.

Marcos Lorenzo vén de pubicar Enser na nova colección de Galaxia Heterodoxos. Trátase dunha mestura de crónica vital e ensaio, en forma de escrita aforística, e que parte dun momento de penuria económica e vital despois da crise que o obrigou a "concentrar todas as enerxías na subsistencia, o que á vez implicou un estreitamento das opcións vitais e un feche de horizontes", segundo declara no preámbulo do libro. 
 

Javier Seoane, director e guionista, é o creador, xunto co falecido humorista Pedro Brandariz, da microserie Mataría, que foi paralizada após o pasamento do actor. Seoane explica a decisión de publicar os episodios xa gravados e un documental que recolle o proceso de creación da serie. Unha peza que tamén é un fechamento "para a figura de Pedro, para o que representou para min e para moita máis xente".

A xornada abordou estratexias de cooperación no sector cultural.

Censura, persecución, exilio. A historia da cultura baixo a ditadura é un ronsel ben negro. Pero a escuma branca tamén sucaba o mar nunha resistencia múltiple que floreceu desde abaixo en múltiples iniciativas abertas desde os anos sesenta. O teatro foi un espello no que mirarse, e a directora de Sarabela Teatro, compañía fundada en 1980, Ánxeles Cuña Bóveda (Poio, 1957), debulla algúns dos fitos dese tempo de esforzo e activismo.

O novo libro acompaña este sábado o xornal e o 'Sermos Galiza'.