constitución

O 11 de setembro é o 50 aniversario do golpe militar en Chile e da morte do presidente Salvador Allende. Co gallo desta efeméride, Omar Contreras, ex preso político chileno na ditadura de Pinochet e exiliado en 1974, participa en actos de memoria na Galiza, mañá en Nigrán e o 11 en Oleiros. Nós Diario conversa con el.

O maxistrado interpreta que a lei do Goberno galego busca favorecer os promotores de edificacións ilegais: "Non é difícil deducir que dita norma autonómica ten como única finalidade a de beneficiar a quen infrinxiron a Lei de costas na zona de servidume de protección do litoral galego".

O triunfo da extrema dereita en Chile, aproveitando a división nas candidaturas do campo progresista, pon en dúbida que finalmente haxa unha nova Constitución no Estado, tras defender o Partido Republicano que non era preciso mudar a norma constitucional deseñada na ditadura de Pinochet, e aumenta a presión sobre a xestión do Goberno encabezado por Gabriel Boric.

Comentando os resultados das eleccións, o presidente chileno, Gabriel Boric, afirmou que quere "convidar o Partido Republicano [...] a non cometer o mesmo erro que cometemos nós no seu momento". De acordo coas súas palabras, "este proceso non pode ser de 'vendettas', senón de pór adiante Chile e a súa xente".

O "non" vencería en todas as preguntas do referendo impulsado polo mandatario conservador, ao tempo que os progresistas se consolidan nas principais prazas electorais de Ecuador.

A nova proposta será votada en novembro de 2023, e, en base ao pacto entre as forzas políticas chilenas, contará con maior número de propostas conservadoras, evitando un texto tan progresista como o rexeitado no plebiscito de setembro.

Madrid volveu ser onte o epicentro do enxalzamento da constitución española de 1978, que onte facía 44 anos. Unha data que as forzas que integran o Goberno español —PSOE, UP—, o PP e Vox —que non asistiu aos actos— aproveitaron para celebrar a "vixencia" dun texto cuestionado polos soberanismos.

O texto, sacralizado como orixe do sistema democrático, deriva en realidade da lei da reforma política do franquismo e está condicionado por ela.

Néstor Rego non participará nos actos organizados polo Congreso ao considerar que a Constitución, resultado da transición pactada cos últimos xestores do franquismo, nega a Galiza como nación e perpetúa valores "escasamente democráticos".

Estes artigos de opinión son froito da correspondencia que Miguel Losada Campa, membro do Instituto de RRPP de Irlanda e avogado, e Xabier Prado Orbán, profesor xubilado manteñen dende que se coñeceron en 2015 no marco dun proxecto Erasmus+ entre  Irlanda e a Galiza promovido pola Fundación Antón Losada Diéguez.

*Máis información: sites.google.com/view/IrGal

O presidente anuncia cambios no Goberno despois dunha derrota que a dereita trata de capitalizar, aínda que a meirande parte das forzas defende un novo proceso de redacción constitucional.

Case 62% da poboación que acudiu a votar fíxoo polo 'non'.

A nova carta magna aséntase no respecto á poboación indíxena do país e a aposta polo "ecoloxismo" e o "feminismo".