O Parlamento da Galiza aprobou esta terza feira os orzamentos para 2024, unhas contas de 13.325 millóns de euros que entrarán en vigor o 1 de xaneiro e que após dous meses de debate só incorporan tres das 1.400 emendas da oposición. O visto e prace ás contas prodúcese en pleno remuíño preelectoral.
Os votos do PP abondaron para que as emendas á totalidade aos Orzamentos galegos de 2024 fosen rexeitadas onte no Parlamento. BNG e PSdeG pediron máis investimento en servizos públicos e denunciaron a caída do investimento sanitario en relación a 2023, tendo en conta o impacto da inflación.
O BNG e o PSdeG critican as "regalías electorais" e "cheques para comprar votos" das contas para 2024, que non ven adecuadas ás necesidades da Galiza.
A CIG concentrouse esta segunda feira ante o Parlamento, con motivo do debate de totalidade das contas galegas, coa fin de reclamar uns orzamentos "dignos" para sanidade pública e dependencia. En declaracións aos medios, o responsábel de CIG-Saúde, Manuel González Moreira, esixiu orzamentos "xustos e dignos" para a sanidade pública ante as "necesidades reais" existentes, especialmente en Atención Primaria (AP) e listas de espera "cada vez máis prolongadas" en hospitais. Expón que os 1.500 millóns para AP non chegan a 15% do global de Sanidade, dos cales 800 millóns vanse para gasto farmacéutico, ademais "dunha parte para financiar custos de privatización". Pola súa parte, o portavoz de xubilados da CIG en Ourense, Fernando Varela, denunciou que só hai 71 centro públicos do total de 286 residencias na Galiza.
As bonificacións fiscais impulsadas pola Xunta da Galiza favorecen as grandes fortunas en detrimento doutros niveis de renda. Neste sentido, o Consello Xeral de Economistas sinala que a presión fiscal na Galiza é reducida para as rendas altas e elevada para as baixas e medias.
A Consellaría de Cultura, Educación, Formación Profesional e Universidades é unha das grandes damnificadas do proxecto de orzamentos de 2024. O conselleiro, Román Rodríguez, acudiu esta quinta feira ao Parlamento da Galiza para defender as contas do seu departamento.
O conselleiro de Facenda recoñeceu esta cuarta feira o "elevado nivel de endebedamento público": 12.333 millóns até o primeiro semestre de 2023. O proxecto de orzamentos de 2024 prevé unha débeda de 12.309 millóns, aos que se sumarían 1.906 millóns de actuacións financiadas pola colaboración público-privada. A Xunta endebedou de media cada cidadá e cidadán con 2.813 euros desde o exercicio de 2009.
