meses

O presidente da Academia Galega, Xosé Luís Méndez Ferrín tarda dous meses en facerlle fronte ao PP polo recorte dun 70% nos orzamentos do Estado e aproveita unha xuntanza coa vicevoceira de AGE, formación que el mesmo apoiou, para esixir á Xunta que compense a rebaixa que pon “en perigo” á institución que preside.

En xaneiro Fomento aplicará unha nova suba nas tarifas da AP-9, co que serán 4 os incrementos das portaxes nos últimos 12 meses. A principal vía de comunicación do país podería subir en xaneiro un mínimo do 3,1%

Entre xaneiro e agosto houbo na Galiza 1.684 expedientes de regulación de emprego comunicados ou autorizados, o que supón un aumento do 82% a respecto do mesmo período de 2011

A Enquisa de Poboación Activa sinala que na Galiza hai 264.000 persoas desempregadas, 37.500 máis que hai 12 meses. No estado o número de parad@s marca un récord histórico, achegándose ás 5.800.000 persoas.

Das 300 mil historias de voluntari@s que limparon chapapote do Prestige, a de Sole Méndez probabelmente sexa a máis mediática. Até Isabel Coixet a quixo incluír no documentario Marea branca, rodado cando van alá dez anos da marea negra. Mais os bocadiños da súa vida escollidos após a edición só retratan unha faciana, a romántica, a da moza de 29 anos que o deixa todo e conduce a súa furgoneta desde Estremadura até Galiza; a da nai de Alegría, a nena do Prestige, como a coñecen en Fisterra, pois o pai tamén foi voluntario. Porén, detrás do rol de nai e da etiqueta de hippie hai outra Sole Méndez.

Os 25.000 empregos para a mocidade que promete o PSdeG co seu Plan de emprego xuvenil, crearíanse a través de bolsas contrato con remuneracións por baixo do Salario Mínimo Interprofesional. O orzamento asignado ao Plan non permite que as contratacións cheguen a cinco meses de duración.

No que vai de ano, pola volta un terzo do cadro de persoal viuse na obriga de abandonar a organización agraria. Hoxe despregaron unha faixa denunciando a situación que padece o cadro de persoal.

A Consllería de Sanidade advirte de que en seis meses aqueles inmigrantes que non acrediten unha serie de condicións, ficarán excluidos dun dereito, o da atención sanitaria a calquera persoa, recoñecido nos dereitos universais

As medidas que está a adoptar o goberno español non dan resultados. As propias empresas de traballo temporal aseguran que vai ir a peor nos vindeiros meses.

O número de persoas desempregadas baixou en xullo até 260.198, unhas nove mil menos que no mes anterior. Mais o tirón do turismo non pode ocultar que actualmente hai na Galiza un 17% máis de parad@s que hai 12 meses

Delas, 3.559 eran galeg@s e 5.557 viñeran de fóra na procura dun posto de traballo no noso país. En 2011, o 1% da poboación censada fixo as maletas rumbo a outros territorios do estado, ou a outros estados. Entrementres o goberno español e o galego desoen as recomendacións da UE para centrar a saída da crise no coñecemento

Un Ere suspensorio que remata a finais deste mes está a ser a baza para presionar a prol das baixas voluntarias. Os salarios non se pagan, a carga de traballo desvíase a outra factoría en Padrón da mesma propiedade e unha listaxe cos nomes e a afiliación sindical de cada empregad@ elaborada polo propio empresario circula xa polas empresas do sector

O proceso de constitución en partido da marca da esquerda abertzale recentemente legalizada polo Constitucional español será inédito en Euskal Herria e terá un obxectivo claro: traballar a prol dun Estado ''independente, socialista e euskaldun en Europa'', erguido ''sobre os valores do feminismo''

Catro meses despois da súa morte en París, o próximo mércores día 20 terá lugar no Museo do Pobo Galego, en Compostela, unha homenaxe ao grande creador Leopoldo Nóvoa.

A xuíza considera probado que Antolín Alcántara (CIG) e Ramón Sarmiento (CCOO) "invadiron" a estación marítima.

Os bancos estarán obrigados a traspasar os seus activos inmobiliarios “tóxicos” (cuxo valor ronda os 180.000 millóns de euros) a sociedades especializadas.

Acusado de ataques ao INEM, foi excarcerado tras o pagamento dumha fiança de 3.000 euros