José Manuel Baltar

Manuel Monge é sociólogo e vítima do franquismo.

O líder do PP, Alberto Núñez Feixoo, proseguirá esta semana a súa intensa axenda de campaña que o levará a visitar 17 localidades e 10 comunidades autónomas. No seu roteiro, que concluirá o domingo en València, inclúe actos en diferentes municipios da Galiza como Lugo, Pontevedra e Ferrol. Porén, non está previsto que finalmente se desprace até algún dos concellos da circunscrición de Ourense, evitando así ser fotografado canda o presidente da Deputación de Ourense e líder provincial do partido, José Manuel Baltar, envolto na polémica após ser xulgado por un delito contra a seguridade viaria.

O presidente da Deputación de Ourense, Manuel Baltar, confirmou que Fiscalía pide, por mor do seu exceso de velocidade, que lle retiren o carné e que abone unha sanción económica, unha pena coa que está desconforme ao entender que está sustentada en argumentos xurídicos "perfectamente recurríbeis". De feito, confía en parar o proceso sen chegar ao xuízo.

A defensa de Manuel Baltar alega que a sanción administrativa que se lle impuxo por importe de 600 euros -en realidade abonou 300 euros por pronto pago- foi firme con anterioridade á incoación do procedemento xudicial. Así, os avogados do político argumentan que "non cabe a imposición dunha dualidade de sancións".

O xuízo rápido contra o presidente da Deputación de Ourense por un delito contra a seguridade viaria volve suspenderse por segunda vez nunha semana.

"Permitir que o tándem Xácome-Baltar arrastre polo lodo a imaxe de Ourense e da Galiza non é democrático, é unha vergoña", dixo Ana Pontón, mentres desde as filas socialistas Luís Álvarez lamentou o "esperpento" e a "dexeneración democrática" que ve en Ourense.

O dirixente popular foi multado con 600 euros e perdeu seis puntos do carné de conducir, malia que á vía administrativa súmase agora a penal ao exceder, presuntamente, en 84 quilómetros o límite da vía.

O presidente da Xunta da Galiza insistiu en que o dirixente ourensán pediu "perdón" e "desculpas".

O portavoz do PSdeG no pleno da Deputación de Ourense, Ignacio Gómez, recoñeceu que a vía política pola multa ao presidente provincial, Manuel Baltar, está “esgotada” unha vez que os seus “xefes” o avalan e non o instan a dimitir, pero advertiu de que os socialistas “non van parar aquí” e avanzou que o “intentarán” na vía xudicial. Gómez incidiu en que se trata dunha cuestión “suficientemente grave” que non é un feito illado, polo que agora estudarán a vía xudicial máis apropiada.

Baltar gardou silencio durante o decorrer da sesión plenaria para debater a moción de urxencia presentada polo Grupo do PSOE, que foi rexeitada cos votos do PP e de Montse Lama (aínda que contou co apoio do BNG e de Democracia Ourensá).

O portavoz parlamentario de PP galego, Pedro Pui, recoñeceu que "non é exemplar" conducir a 215 quilómetros por hora pola autovía, como fixo o presidente da Deputación de Ourense, Manuel Baltar, a bordo do coche oficial da institución o pasado domingo 23 de abril e polo que xa foi sancionado pola vía administrativa e citado en xuízo rápido o 9 de maio.

A voceira do Bloque censura que nin Feixoo nin Rueda tivesen un minuto de romaría para pedir a dimisión de Baltar: "Ou non poden ou aceptan o seu comportamento".

A Deputación de Ourense acollerá o día 4 un pleno extraordinario a petición do PSOE, que considera "insuficientes" as súas explicacións

O presidente da Deputación de Ourense, o popular Manuel Baltar, foi incapaz de xustificar o motivo da súa visita a Madrid en coche oficial.

O BNG cualificou de "perigo público" o presidente da Deputación de Ourense, Manuel Baltar, despois de coñecerse que foi identificado o volante a 215 quilómetros por hora en Zamora, feitos polos que os nacionalistas pedirán a súa reprobación no Parlamento da Galiza no caso de que non sexa "reprobado ou cesado" polo presidente da Xunta e líder dos populares galegos, Alfonso Rueda.

Baltar, que no momento da sanción manexaba un vehículo do parque oficial da Deputación de Ourense que goberna desde 2012 -cando asumiu o cargo en substitución do seu pai, José Luis Baltar-, sinalou que "desde hai moitos anos" conduce "de maneira habitual" coches oficiais "en desprazamentos institucionais".

Segundo informaron fontes da Deputación de Ourense, os axentes do GIAT do subsector de Ourense notificaron a Baltar a apertura destas dilixencias no municipio de Leiro, onde o tamén presidente dos populares ourensáns se encontraba de visita institucional.