gastronomía

Os mochis, o ramen ou os diferentes tipos de sushi son só unha mostra das delicias do Xapón.

A raíña do río, a vampiresa da auga, ou, simplemente a lamprea. Leva habitando nos ríos galegos desde hai máis de 500 millóns de anos, antes da existencia da especie humana e mesmo desde antes de que existisen os dinosauros. A lamprea é unha das primeiras especies de invertebrados de que se ten constancia na Terra. Co seu corpo alongado e a súa boca repleta de dentes, leva alimentando incontábeis xeracións de galegas e galegos.   

Durante a fin de semana, toda a vila de Monforte de Lemos volcarase para sacar adiante un encontro que supón un importante pulo económico para todos os sectores do Concello.

O pregón deste ano correu a cargo de Chechu Salgado, recente gañador dun premio Goya ao actor revelación.

O Concello presenta as actividades que conformarán a 47ª edición.

Cociñeiros da Asociación Coruña Cociña celebrarán un showcooking promocional no restaurante NaDo de Madrid, no marco dos actos paralelos da Deputación da Coruña con motivo de Fitur

Anxo Fole prepara este fin de semana un menú no que xoga coas cores.

Os ‘showcookings’ e degustación organizados pola área de Turismo da Deputación da Coruña achegan ao público en Montjuïc os produtos de calidade da gastronomía galega a través do labor de diversos cociñeiros e cociñeiras.

Como gozar do outono sen saír da cociña.

A fin do verán é algo que a algúns nos custa caro asumir, o acurtamento dos días e o comezo do frío coido que son motivos suficientes para ter algo de morriña da tempada estival. Mais todo isto non quere dicir que non desfrutemos do outono. Grazas ás castañas, aos pratos de pucheiro como o caldo e aos cocidos que xa comezan a apetecer ou ao polbo do San Froilán, a transición cara ao inverno faise máis doada. Eis unha ollada a todas as posibilidades
que nos ofrecen os froitos do outono.

Mónica Novas ten, de seu, un espírito emprendedor. Psicóloga e criminóloga, especializouse en igualdade. Fundou a empresa Asistogal, que colabora con varias institucións na Galiza realizando campañas de información e sensibilización contra a violencia machista, como a Caravana Morada que percorre os municipios das comarcas do Salnés, Ulla e Umia. Como investigadora atopou relacións entre a gastronomía e o sexo ideando o termo "gastrosexoloxía" que deu a coñecer en universidades e escolas de hostalaría de todo o Estado español.

Laura e Cristina son dúas rapazas que comezaron a divulgar contido gastronómico en galego a principios de ano. A través dunha conta chamada “Como arrecende”, comparten receitas e consellos sobre cociña nas redes sociais Instagram e Twitter. Buscan que existan máis publicacións sobre gastronomía nas redes sociais en lingua galega, para achegar o seu gran de area ao proceso de normalización da lingua en ámbitos menos habituais, como é o mundo culinario nas novas redes.

Nos últimos anos a orella de mar, tamén coñecida como peneira, conseguiu atopar o seu espazo entre os moluscos máis cotizados. A planta de Tal é a primeira e única piscifactoría que a produce en todo o Estado español. Actualmente, as peneiras galegas compiten coas chinesas, que lideran o mercado. 

Aínda que as algas conten cunha tradición centenaria en moitos dos países do mundo, como é o caso de Xapón, a utilización da alga na Galiza como produto culinario aínda ten moito que avanzar. Porén, numerosos chefs de fama internacional, entre os que se atopan varios galegos, levan anos valorando este alimento e apostando pola súa calidade. 

A chegada do verán trae consigo a realización de máis actividades de exterior, e un dos pratos estrelas nos pícnic e excursións dos galegos e galegas é, como non podía ser doutro modo, a empanada.

O novo número do caderno Gozar, que atoparás este sábado 10 de abril nos quiosques xunto con Nós Diario, ofrece unha viaxe gorentosa polas sobremesas saudábeis de Media Laranxa mais por algúns dos pratos tradicionais da cociña vasca. A estes sabores únense os do viños de Xico de Mandín, da Denominación de Orixe Monterrei baixo o nome de Couto Mixto. E para alixeirar, un paseo á beira do río Miño até o punto no que o Sil sae ao seu encontro, nos Peares.

 

Tamén atoparás as mellores propostas de viños e mesmo os segredos que agocha un novo espazo natural da Galiza. Poder facerte co suplemento de ocio co Nós Diario que estará mañá a venda nos quiosques, librarías e na nosa tenda en liña.