O Fórum Gastronómico de Barcelona leva máis de 20 anos sendo un referente internacional no sector, con miles de visitantes e centos de stands e postos a través dos que poder coñecer e promocionar desde cociñas locais até produtos ou técnicas culinarias. Unha cita, ademais, cada vez máis importante desde que a gastronomía é un factor con cada vez máis peso en ámbitos como o cultural ou o turismo.
Este ano, Galiza estivo representada no Fórum grazas ao programa de showcookings da área de Turismo da Deputación da Coruña, que procura ser unha xanela aberta á riqueza da gastronomía galega e a Galiza.
Xosé Regueira destaca que este programa representa “un compromiso co territorio, nomeadamante cos produtores e produtoras, e amosa unha cociña slow, de kilómetro cero e baseada na economía circular”.
“O obxectivo último deste programa de showcookings é que o público que asiste ao Fórum coñeza a provincia da Coruña a través da súa oferta culinaria de calidade, que a probe, que a desfrute e que posteriormente a recomende” asegurou Xosé Regueira, o vicepresidente da Deputación e responsábel da Área de Turismo.
Rocío Martínez do Restaurante Pementa de Carballo, Lolo Mosteiro e Paula Martínez do restaurante A Artesa da Moza Crecha de Betanzos, Pepe Senande da Muradana de Muros, Montserrat Santos de Casa do Tella de Portosín, Manuel Pérez de Casa do Selmo de Urdilde, e Paco Moar de Casa Pena de Moeche; son algún dos nomes que mostran en Barcelona o por que do éxito da cocina galega.
O programa de showcookings está a contar cunha gran acollida por parte do público, segundo a Deputación, esgotando todas as prazas dispoñíbeis para asistir a todas as degustacións.
Trátase, ademais, da única “cociña que fala galego” presente en toda a programación desta feira, que se sitúa como lugar de encontro dos principais nomes da cociña contemporánea e de empresas punteiras do ámbito gastronómico a nivel estatal.
Xosé Regueira destaca que este programa representa “un compromiso co territorio, nomeadamante cos produtores e produtoras, e amosa unha cociña slow, de kilómetro cero e baseada na economía circular”.
