Entroido

Este é Domingo Corredoiro e saen os Cigarróns ás rúas de Verín. Trátase dunha das citas máis destacadas do Entroido. Emilia Somoza, concelleira de Educación, Cultura e Festexos, aborda a programación deste ano na vila. Explica que se centra, especialmente, nas actividades infantís e en recuperar “unha festa que, para que luza de verdade, ten que ser de día e na rúa”. 

Unha das características da Galiza, motivada pola paisaxe e a intervención do ser humano, isto é polas incidencias culturais 
-a fonda prehistoria, o mundo céltico, romano, cristián, medieval, a misión, as viaxes...- é a variedade, o minifundismo de leiras, castros, parroquias, o barroquismo. E pese a todo, non poden os bombardeos mediáticos e consumistas con semellantes orixes e coa orixinalidade, aínda así tamén se deixan enxergar os feísmos, os castrapismos, os novos esperpentos como efectos da aculturación.

O Entroido galego chamou a atención durante décadas a múltiples especialistas. Malia a cantidade de estudos publicados, a celebración segue a sorprender con novos achados froito de investigacións contemporáneas. O antropólogo Rafael Quintía é un dos estudosos que máis traballou nos últimos anos profesionalmente esta celebración invernal, recuperando testemuñas e achegando novas perspectivas sobre o futuro dos rituais que agora forman parte do percorrido turístico da Galiza.

Falta menos dunha semana para que comece o Carnaval nas cidades galegas. Porén, o Entroido máis tradicional leva xa varias semanas enchendo de ritos e tradicións as rúas das vilas e aldeas que foron quen de conservar durante séculos e practicamente intactos estes festexos. Alén da fin de semana común en todo o país, o calendario do Entroido galego esténdese dende o Nadal até a Coresma, colgando no caso de Xinzo o galardón de Entroido máis longo de Europa.

Entrevistamos ao estudoso Rafael Quintía e analizamos os aspectos máis característicos desta festividade na Galiza.

Manuel Vilar Álvarez é o director do Museo do Pobo Galego.

O proxecto Orgullo Galego abriu hoxe as II Xornadas Oline sobre o Entroido da Galiza, que se estenderán até o vindeiro 1 de marzo. 

Xa estamos no Entroido. Ou ti es das que di Antroido, ou Entrudo ou Introido ou...?  Cal é a forma que se usa na túa zona?

Varias persoas criticaron este erro nas redes sociais.

A Sala Alterarte do Campus de Ourense da Uvigo acolle até o 7 de abril a exposición 'Ser son', unha instalación sonora de Monica Mura que parte da investigación sobre a presenza da muller nas 18 máscaras do Entroido galego que levan incorporado elementos sonoros. En conversa con Nós Diario, descubre algunhas das características que atopou partindo da experiencia previa no seu pobo natal: Sardeña.    

Desde a Consellaría de Sanidade chaman á "prudencia" e lembran as medidas restritivas que se deben levar a cabo durante o decorrer do entroido.

O Entroido simboliza a crítica e a loita que, durante o resto do ano, andan ou ben reprimidas ou ben soterradas polas autoridades públicas. Desde os seus inicios até o presente, simboliza unha época de recuperación da primavera, da vida, e do renacer despois dos duros meses de invernía. Nesta reportaxe facemos un breve repaso dos seus primeiros días, entre os que se inclúen o fareleiro, o oleiro ou os de comadres e compadres, que son présa do esquecemento dunha festa, din as expertas e participantes, que vai disolvendo os seus valores tradicionais a medida que se vai internacionalizando e coñecendo alén da Galiza. 

Aliás, entrevistamos o afamado pianista James Rhodes, analizamos o paso das Tanxugueiras polo Festival de Benidorm e falamos do inicio do Entroido na Galiza. Todo isto, e máis, este sábado con 'Nós Diario'.

Xinzo de Limia celebra esta xornada o inicio da súa festa por excelencia, suspendida no 2021 pola pandemia. Os municipios do “triángulo máxico”, que suman tamén a Laza e Verín, retoman con precaución os actos dunha tradición que non se quere perder.

Sanidade di que serán os propios concellos os encargados de "velar" polo cumprimento das medidas.

A Xunta dá por superado o pico da sexta vaga da pandemia. Anuncia a fin dos límites de mobilidade, o regreso dos concertos e o restabelecemento dos horarios na hostalaría e no lecer nocturno, ademais dunha seie de medidas de cara ao Entroido

Un dos membros do comité clínico pide manter "prudencia, vacinación e máscara", cando o órgano ten que decidir sobre a rebaixa das restricións e o protocolo de Entroido.

No obradoiro de arte Arrebol de Xinzo de Limia as pantallas nacen todo o ano para estar a punto no Entroido. As mans de Santiago Martínez levan máis de trinta e oito anos elaborando de maneira artesanal unha das máscaras máis coñecidas desta festa na Galiza. Con el traballa Aurora Dacal, artesá especialista en cartón pedra e en arxila polimérica. Malia o tempo que levan como artesáns, agora animáronse a estabelecer un obradoiro físico e para este mesmo verán pensan dar a coñecer as súas técnicas a través de cursos abertos ao público en xeral.