Unha colisión entre dous coches provocou a morte dun home de 90 anos, M.P.V., nun accidente ocorrido ás 23,15 do domingo en Cangas (O Morrazo).
Ademais, tres persoas resultaron feridas. O 061 indica que os tres feridos foron trasladados ao hospital Povisa. Trátase dun home de 47 anos (F.B.G.), un home de 28 anos (S.M.P.) e unha muller de 29 anos (A.M.S).
Até o lugar desprazáronse catro ambulancias, dúas delas de soporte vital avanzado.
Segundo informa o 112 Galiza, urxencias sanitarias deu aviso do accidente ocorrido antes do túnel de Coiro, en sentido Vigo, na vía CG-4.1.
Entre outros, foron avisados Bombeiros do Morrazo, Garda Civil de Tráfico, Policía Local e Protección Civil de Cangas.
No lugar, membros do parque comarcal indicaron que un home faleceu no propio accidente. Ademais, foi necesario empregar o material de excarceración para liberar a tres feridos.
