Día de Rosalía

Non foi casualidade que Cantares gallegos se editase en Vigo. A cidade era un punto de referencia do liberalismo e da recuperación e dignificación da cultura galega. O seu ambiente intelectual e político propiciou que nos talleres da imprenta de Juan Compañel se imprimise o volume que marca o inicio do Rexurdimento literario. Malia o curto período que Rosalía morou na urbe olívica, a edición deste libro e a rede de relacións tecida arredor dos círculos liberais vigueses fai desta cidade unha parada ineludíbel no itinerario rosaliano.

Anxo Angueira, escritor e presidente da Fundación Rosalía de Castro, describe o que quizais é o espazo con maior carga simbólica e emotiva na lembranza da autora: Padrón, o lugar onde se erixe o maior monumento á súa memoria, a Casa da Matanza. E tamén as Terras de Iria, onde ecoan os versos da autora por toda parte.

A escritora e investigadora María Pilar García Negro pon en relación a estancia de Rosalía na Coruña cun tempo histórico que sería decisivo para o Estado español, mais que non tivo consecuencias na política galega: esa contradición reflíctese na obra da escritora na denuncia da galegofobia española e no retrato da lacra da emigración, no protagonismo do feminino, na defensa da patria galega e da súa cultura. 

Mercedes Espiño, autora do volume, recentemente publicado pola Agrupación Cultural O Galo, Espazos de Rosalía en Compostela, guianos pola cidade que viu nacer a Rosalía de Castro, que a viu medrar e formarse e onde pasou, de forma intermitente, vinte e tres anos da súa vida. 

O seu descubrimento deita unha nova luz sobre a vida de Rosalía de Castro. Sagrario Abelleira vén de atopar o expediente matrimonial da autora, que confirma que a verdadeira data do seu nacemento é o 23 de febreiro de 1837. Iso cambia a celebración do Día de Rosalía, mais tamén rompe algúns mitos que se repetían de forma acrítica -como que a súa nai, Teresa de Castro, a abandonara- e abre novas vías de investigación sobre a autora.

O sábado 'Nós Diario' vén acompañado do suplemento semanal 'Sermos Galiza', que desta volta afonda na figura de Rosalía de Castro e máis no recente achádego de Sagrario Abelleira sobre a data real de nacemento da autora. 72 páxinas por tres euros... Non o perdas!

Sermos Galiza dedica un especial a Rosalía de Castro polo cambio de data do Día de Rosalía. O descubrimento, por parte da investigadora Sagrario Abelleira, de documentos que certifican que a data de nacemento da autora é a do 23 de febreiro de 1837 debuxa un novo mapa simbólico dos espazos da autora. O especial venderase conxuntamente con Nós Diario o vindeiro sábado 19 de febreiro, ao prezo de sempre do semanario.
 

A Deputación de Pontevedra realizará os actos institucionais os días 23 e 24 de febreiro nas súas sedes de Pontevedra e Vigo

Suxire aos concellos que celebren o 23 de febreiro.

O Día de Rosalía de Castro pasará a celebrarse o 23 de febreiro, en vista dos novos descubrimentos feitos pola investigadora Sagrario Abelleira. Unha reunión de todas as entidades e institucións implicadas na conmemoración da efeméride consagra a nova data na Casa da Matanza.

Unha recente investigación de Sagrario Abelleira sitúa nesta data o nacemento da autora, e non o 24 de febreiro, como se cría até o de agora.

A Agrupación Cultural Alexandre Bóveda organiza este sábado “Un día con Rosalía”. Unha xornada que conmemora o 150 aniversario da chegada da escritora á cidade da Coruña. Eis o amplo programa de actividades programados.

O achado do expediente matrimonial de Rosalía de Castro e Manuel Murguía descobre a verdadeira data de nacemento da autora e proxecta nova luz sobre diversos aspectos da súa biografía. 

A AELG realiza unha ofrenda floral e a lectura do seu manifesto anual no Panteón de Galegos Ilustres.

O país rende homenaxe a Rosalía de Castro cando se conmemoran os 184 anos do seu nacemento. Os recitais, a música e as ofrendas florais foron as constantes dun 24 de febreiro que se festexou, unha vez máis, non só desde os ámbitos institucional e literario senón tamén desde o terreo popular. 

Coa presenza do alcalde e do presidente da Fundación Rosalía.

O presidente da Cámara, Miguel A. Santalices reitera  o “inquebrantábel compromiso rosaliano do Parlamento”. Feixoo di que Rosalía é ““símbolo da Galiza que somos”.

A AELG propuña en 2010 á cidadanía agasallar cun libro en galego e cunha flor as amizades e as persoas queridas para festexar o Día de Rosalía, alén doutras accións que iría acollendo con grande aceptación a sociedade. Este ano o seu acto ten lugar na imprenta Juan Compañel, na rúa Real de Vigo, baixo o lema "Teus doces cantares", cunha ofrenda floral seguida da lectura pública dun manifesto que vertebra as múltiplas iniciativas, con especial transcendencia no ensino, que loitan por resistir ás limitacións dun 2021 marcado pola pandemia.