Día de Rosalía

Un libro e unha flor polo 24 de febreiro, aniversario do nacemento da máxima figura da literatura galega, Rosalía de Castro. Os estudosos da figura e obra rosaliana Francisco Rodríguez e María Pilar García Negro, o presidente da Fundación Rosalía de Castro, Anxo Angueira, e o máximo responsábel da AELG, Cesáreo Sánchez, explican para Sermos Galiza o significado do 24 de febreiro, un día que nos últimos anos gañou relevancia no almanaque da Galiza.

Cantares Gallegos (1863) marca en todas as historias da literatura o inicio da restauración do galego como lingua de cultura. Entre as moitas tarefas que asumiu Rosalía de Castro esa é a que salienta o biólogo Xurxo Mariño (Lugo, 1969). “Entendendo a súa biografía e lendo a súa obra”, explica a tres días do sábado 24 de febreiro, Día de Rosalía de Castro, “comprendín a importancia do galego que temos hoxe en día”.
 

O Teatro Colón da Coruña acolle esta sexta feira 23 de febreiro unha gala arredor da figura do grande clásico da literatura galega.

Nas olladas que se deitan sobre a figura de Rosalía de Castro conviven, case desde que en 1863 publicou Cantares Gallegos e disparou a literatura galega moderna, o poético e o político. Para a sindicalista Margarida Corral (Pontedeume, 1976), secretaria de Mulleres da CIG, a balanza inclínase cara a segunda vertente: “Foi a voceira das sen voz, a primeira feminista da nación galega”.
 

Que Rosalía de Castro é máis ca unha poeta xa é outro dos tópicos que orbitan arredor da súa figura. Mais non por iso resulta menos certo. A seis días do 181 aniversario do seu nacemento -o sábado 24 de febreiro-, mulleres e homes da sociedade galega explican a Sermos a súa relación coa escritora e a súa obra.
 

A escritora e novelista María Reimóndez (Lugo, 1975) foi a encargada de redactar o manifesto da Asocación de Escritoras e Escritores en Lingua Galega polo Día de Rosalía de Castro. “Precisamos todo do que falou e todo o que foi Rosalía de Castro”, proclama.