As Xornadas de Lingua e Literatura impulsadas pola Asociación Socio-Pedagóxica Galega (AS-PG) máis a CIG-Ensino chegan este sábado, 13 de abril, á súa edición 33. A iniciativa procura unha achega positiva ao profesorado, no camiño da normalización e do descubrimento de novas metodoloxías de ensino.
A Xunta da Galiza destina un orzamento de 20.000 euros a escritoras e escritores que queiran fomentar a difusión das letras galegas fóra da Galiza cos seus proxectos, así como impulsar a cooperación con organismos e centros culturais. As persoas creadoras que necesiten traducir as súas obras, que necesiten desprazarse para un proceso de investigación previo ou que necesiten un espazo e ambiente de traballo concreto para continuar cun proxecto xa iniciado poden solicitar unha axuda de 5.000 euros até o 15 de xullo, que poderán destinar a cubrir os gastos de viaxe, de transporte internos, de aloxamento e manutención, así como de subscrición a unha póliza de seguro de viaxe e outra médica. É a segunda convocatoria no marco do Plan Xeración Cultura.
A dificultade de pasar ao galego con persoas e ambientes cos que sempre falaches castelán pode ser moi grande, por iso podes comezar a empregar o galego en ambientes novos e con xente descoñecida, para que introducilo na túa vida persoal sexa máis doado. Consellos coma este son os que ofrecen A Mesa pola Normalización Lingüística ou Galiza Nova para os novos neofalantes.
‘O Exército Mekemeke’, ‘O Faiado’, ‘Café Derby 21’, ‘ Conversas da Lobeira’, ‘ Recuncho Gamer’, ‘Os Reis e as Raíñas da Galiza’ ou ‘Contacontos en galego’ ,algúns exemplos do aumento do formato podcast na Galiza
Nova edición do ‘Desafío galego’
