O portavoz municipal do BNG na Coruña, Francisco Jorquera, anunciou que instará no vindeiro pleno o goberno municipal da cidade a emprender accións legais para recuperar a Casa Cornide para a titularidade pública, xa que foi “por medios fraudulentos” agasallado a Franco. A propiedade deste singular edificio segue en mans da familia do ditador.
A alcaldesa da Coruña, Inés Rei, asinou con Francisco Jorquera, portavoz do BNG no concello, un documento que constitúe un acordo de investidura e un marco de colaboración estábel entre ambas forzas para o mandato 2019-2023.
Francisco Jorquera encabeza a candidatura do BNG á Alcaldía da Coruña, cidade na que “botou raíces” desde mozo. Estudou Historia na USC, onde foi dirixente de ERGA e dos CAF. Desenvolveu distintas responsabilidades no BNG, ao que pertence desde a súa fundación. Foi ademais deputado nas Cortes Xerais e no Parlamento Galego.
Comezaba o curso do 80 na facultade de Historia de Santiago, que vivía un emerxente movemento estudantil, con centos de mozas e mozos formándose nas aulas, na vida cultural de Compostela e implicándose politicamente. Na primeira reunión de Estudantes Revolucionarios Galegos (ERGA) naquel ano coñecéronse dúas figuras claves do BNG na actualidade: Néstor Rego, que chegaba a unha Compostela da que sería tenente de alcalde, e Francisco Jorquera, que exercería como portavoz do BNG no Congreso e no Parlamento.
