eólica mariña

Néstor Rego comprométese a traballar para que non se poña en marcha ningún parque eólico.

A frota exixe poder seguir traballando no mar e rexeita que a solución sexa recibir compensacións polo fechamento de caladoiros que implicaría a construción de parques eólicos mariños. Así o sinalan fontes do sector a 'Nós Diario' despois que o presidente da Xunta da Galiza apostase polo estabelecemento de axudas. Rueda ve nos aeroxeradores unha "oportunidade" que a Galiza non pode perder.

O colectivo apoia a convocatoria de manifestación da Plataforma en defensa da pesca e os ecosistemas mariños para o próximo 11 de marzo na Coruña.

"Após un rastrexo moi intenso, e após traballar con outros estados nos que houbo un desenvolvemento de eólica 'offshore', constatouse que non se pode demostrar un efecto negativo", defende Teresa Ribera.

"A Galiza está sometida a un novo e intenso proceso de colonización enerxética que, se no franquisimo destruíu os ríos, agora vai polas terras, os montes e o mar", afirma Paulo Carril.

Iván López é o presidente da Alianza Europea da Pesca de Fondo, que vén de ser creada. Nesta conversa, analiza para 'Nós Diario' o impacto das limitacións á pesca coa arte do arrastre anunciadas pola Comisión Europea e explica os perigos que se abren para o sector coa implantación da eólica mariña.

A Plataforma en defensa da pesca e dos ecosistemas mariños cualifica de 'ecocidio' e de 'pescacidio' a aprobación dos Plans de Ordenación do Espazo Mariño (POEM), xa que entenden que pregan aos intereses da eólica mariña a custa de sacrificar a viabilidade da actividade pesqueira. A frota galega anuncia unha mobilización ante a Delegación do Executivo do Estado español na Coruña o próximo 11 de marzo.
 

A Plataforma en Defensa da Pesca e dos Ecosistemas Mariños mantivo unha reunión coa Lonxa da Coruña na cal valoraron as consecuencias da aprobación dos novos Plan de Ordenación dos Espazos Marítimos (POEM).

O Consello de Ministros aprobou na súa sesión desta terza feira o Plan de ordenación dos espazos marítimos (POEM). O documento fixa as áreas do litoral galego onde será posíbel erguer parques eólicos mariños.

O Goberno español permitirá xerar enerxía eólica mariña en catro polígonos da costa cantábrica galega e nun situado en fronte á desembocadura do río Miño, segundo se desprende dos Plans de ordenación do espazo marítimo (POEM) aprobados na terza feira polo Consello de Ministras e Ministros.

O BNG, a través do seu portavoz no Congreso, Néstor Rego, expresou o seu rexeitamento ao Plan de ordenación do espazo mariño (POEM) aprobado na terza feira polo Goberno estatal, ao entender que “pon en perigo a actividade pesqueira galega e os ecosistemas mariños”.

A aprobación do Plan de ordenación do espazo marítimo (POEM) por parte do Consello de Ministras e Ministros espertou as primeiras reaccións. Na mañá da terza feira, a CIG cualificouno como “un novo ataque ao sector pesqueiro e ás capacidades produtivas da Galiza”.

A implantación da enerxía eólica mariña é unha prioridade para o Goberno español, que esta terza feira aproba no Consello de Ministras e Ministros o Plan de ordenación do espazo marítimo (POEM). Na Galiza, empresas enerxéticas presentaron xa a proposta para nove parques cuxa potencia eólica representa case a metade dos megawatts (MW) de eólica mariña que tramita o Estado.

As limitacións á pesca coa arte do arrastre anunciadas pola Comisión Europea representan unha nova ameaza para esta fracción de frota conformada por 128 embarcacións. Os representantes do sector consultados por Nós Diario non descartan a influencia do lobby das renovábeis detrás desta decisión ao aspirar a instalar parques de eólica mariña en zonas de actividade pesqueira.

Nunha rolda de prensa, o concelleiro nacionalista Xabier Pérez Igrexas, explicou que eses dous parques, con 34 aeroxeradores cada un, terán un "evidente impacto".

Os 40 aeroxeradores situaríanse fronte á costa da Mariña e "terían un impacto directo en diferentes caladoiros de pesca e en zonas de capturas".

Os eólicos do parque do Barqueiro ocuparían 60% do Concello de Ortigueira.

Desde as empresas impulsoras, BlueFloat e Sener, confían en que os proxectos de renovábeis no mar conten "co maior consenso posíbel" e buscando "a máxima cohesión co territorio e coas persoas que van convivir con esta estrutura durante 25 ou 30 anos".