Mar Álvarez
27/feb./23 20:36
Nabiza Girl, o personaxe teatral creado por Isabel Risco, é a protagonista do cómic 'As aventuras de Nabiza Girl, Operación Breogán', guionizado pola propia Risco xunto con Carlos Ares, e ilustrado polo deseñador Manel Cráneo. Esta banda deseñada, que vén de saír do prelo, narra a misión que debe levar a cabo a protagonista para atopar a espada de Breogán. Na trama, chea de rivalidade, aventuras, amor e acción, Nabiza Girl loita pola Galiza con humor e naturalidade.