videos

Rebeliom do Inframundo e Fillas de Cassandra veñen de asinar a súa primeira colaboración, "Contra vento e marea". O tema, que xa está dispoñíbel nas plataformas dixitais, preséntase como un arrebatador, cómplice e fascinante xogo de contrastes entre dúas formacións esenciais na actual escena da música galega. O sinxelo demostra que a confluencia entre as dúas bandas que agromaron en Vigo é natural, enriquecedora e proveitosa para a música do país.

Contra vento e marea, explica Nervo, MC de Rebeliom do Inframundo, é "unha oda á superación, a remar contracorrente, a manterse a flote, a sobrevivir no medio desta puta loucura". É un canto a non deixarse levar pola ira, mesmo sendo conscientes que hai razóns dabondo para que a ira aflore. "É unha canción chea de orgullo, forza e valor, evocadora de todo tipo de sentimentos precisos para vencer á frustración», expón.

Ao fío, María SOA e Sara Faro salientan "a forza e a colectividade" que se desprende da peza. "Como di o tema, somos rochas contra as que bate o mar. Contra todos os contratempos que poidan vir, ímonos manter firmes e mirar cara adiante", apuntan.

Nesta primeira colaboración, Rebeliom do Inframundo achégase a un rexistro poético conmovedor e descarnado, cunha colosal carga emotiva, mais sen deixar, en ningún momento, a súa esencia combativa. "Som o som das ondas à beira do mare, o latejo, a espuma branca, o nosso lare, a costa e dureza. Puto, nom todo vale. Ilhas Atlânticas freando tempestade", rapea Nervo sobre a produción musical de 2Pasøs e Frank Huxley.

Pola súa banda, Fillas de Cassandra expoñen, dun xeito vehemente e apaixonado, a fortaleza que reside nelas. "Nas augas do inframundo fazemos o nosso mare", cantan María SOA e Sara Faro nos primeiros compases do tema.

As autoridades evacuaron a perto de 1.000 persoas.

Nace unha plataforma dixital con máis de 1.400 contidos en galego en aberto impulsada pola CRTVG.

As gañadoras dos oito galardóns daranse a coñecer o 17 de febreiro

O XIII Premio do Auditorio da Galiza para Artistas Noveis recoñeceu en Compostela a obra de 33 artistas menores de 40 anos. Os tres primeiros galardóns foron para Sergio Marey (Pol, 1997), Laure Mojo (O Pino, 1985) e Breogán Xague (Vigo, 1999). 

Instan á TVG a non esquecer o "coidado no cumprimento da lexislación".

"Estou viva", afirma Guadi Galego. Unha sentenza que a cantante declama e confirma no seu novo sinxelo, O.D.A., xa dispoñíbel nas principais plataformas dixitais. A música e compositora presenta o seu novo tema como toda unha declaración de intencións "sobre o concepto da madurez e a aceptación da vida, de valorar o vivido como propio e reivindicar o dereito a seguir experimentando". Todo, apunta Guadi Galego, "sen desmarcarnos nunca da nosa responsabilidade propia e colectiva" e sen esquecer que "a alegría segue dentro de nós". Esta é a primeira canción que lanza a artista desde a publicación do LP Roibén (2022) e conta coa produción de Iago Pico (Pouland Studios) e un videoclip dirixido por Inés Salvado.

Habitando a morte desde a intimidade máis expansiva dunha canción que se creba por dentro. Iso é o que fan Caamaño&Ameixeiras en Ai de min, segundo e último sinxelo do que será 'Quitar o aire', o segundo álbum do dúo galego, que chega uns meses despois de presentar a "muiñeira sexy" A pequena morte. Neste caso, Sabela Caamaño e Antía Ameixeiras aluman a luz máis escura do seu cancioneiro cun canto á morte, un queixume desgarrador á ausencia final da persoa querida. E unha canción na que se dan a man a raíz do folclore galego máis ritual cun rexistro que as achega máis á canción alternativa de autor.

"Mondra representa como ninguén a nova xeración de creadores que está a revolucionar a escena folclórica da Galiza". Con estas palabras presenta esta emerxente banda o seu último sinxelo, Ruando, que serve de adianto do seu primeiro disco, cuxa publicación está prevista para o vindeiro 22 de setembro. Ruando conta coa voz dunha das Tanxugueiras, Aida Tarrío, así como coa colaboración do músico Berto. Mondra é artista, cantareiro e bailador. Con ARDĒN, o seu primeiro traballo, presenta unha experiencia musical, visual e performativa, en diálogo coa música tradicional galega.

Sonia Méndez dirixe a súa primeira longametraxe situada na Fonsagrada

No vídeo tamén 'actúan' a secretaria xeral do PP galego, Paula Prado; o vicepresidente segundo da Xunta, Diego Calvo; a vicepresidenta primeira da Xunta, Elena Candia; o delegado da Xunta en Pontevedra, Luís López, e o presidente da Deputación de Ourense, Manuel Baltar.

A cerimonia de entrega de premios decorrerá en Carballo o sábado 28 de xaneiro.

Por primeira vez, haberá a categoría de "youtubeir@ revelación".

A banda Tanxugueiras, formada polas irmás Olaia e Sabela Maneiro e máis Aida Tarrío, vén de publicar o videoclip do seu novo tema, 'Pano Corado', un "canto ao amor libre e á diversidade", precisaron.

Unha mensaxe, ademais, que acompaña dun vídeo de máis de 2 minutos, tamén en castelán. Iso si, lexendado en galego.

O 25 de marzo de 1990 o estudoso e escritor Ricardo Carvalho Calero falecía en Santiago de Compostela. O ano 2020 a RAG decide dedicarlle o Día das Letras Galegas, mais a pandemia da Covid-19 muda os plans. Ante a negativa da institución de ampliar o ano ao ferrolán, a Federación Galiza Cultura organiza unha xornada de homenaxe á obra e figura do intelectual. En conversa con Nós Diario diversos expertos e expertas expoñen a importancia do legado de Carvalho Calero. 

A entidade conmemora así o seu 50 aniversario. 

Un documental de Xarda Sociedade Cooperativa Galega trata o desmantelamento da sanidade pública, nomeadamente da Atención Primaria, no rural.

Abe Rábade. Piano solo entre árbores é o título do proxecto audiovisual que o pianista Abe Rábade interpreta nun bosque da parroquia de Asados, en Rianxo, e que consta das pezas que o músico compuxo durante o confinamento provocado pola Covid-19.

Impulsado por 'Libres e Iguales', a plataforma de Cayetana Álvarez de Toledo.