Daniel Castro sae ao rescate da Xunta da Galiza e arremete duramente contra o Goberno estatal, que cualifica de "ditadura": "Estamos vivindo peor que na ditadura de Franco. É unha ditadura encuberta, pero non unha ditadura do noso Estado, senón unha ditadura de Hitler, que xa é falar, eh".
O socialista José Ramón Gómez Besteiro emprazou o PP a que “antes de vir pedir os votos veñan pedir perdón polo abandono no que están deixando esta comarca en infraestruturas e servizos”. Así o dixo na visita a Suxo, no concello de Muxía, xunto co alcalde e candidato socialista á reelección, Iago Toba.
Con 16 anos, Rosalía de Castro visitou Muxía, convidada pola súa amiga Eduarda Pondal. Foi en setembro de 1853, coincidindo coa romaría da Barca. Sábese que fixo o camiño ben a pé ou ben a cabalo nunha longa xornada. Unha placa colocada pola Fundación López Abente no ano do centenario de Cantares Gallegos lembra a estadía de Rosalía nese lugar, que deixou pegada na súa obra.
A produción de congro seco ten máis de seis séculos de historia na Galiza. Sanidade decidiu paralizar o 21 de febreiro o secado ao aire libre argüíndo que non se pode incluír como excepcións a alimentos artesáns, o que derivou nun movemento veciñal en defensa dunha actividade que consideran patrimonio etnolóxico. Os dous secadoiros que se conservan na península están en Muxía, o da Pedriña, ademais, é o único que conserva unha produción totalmente artesá.
A Asociación de Escritoras e Escritores en Lingua Galega (AELG) organiza, para o vindeiro día 26, Roteiros Literarios por Cee e Muxía. Un evento que conta co patrocinio da Deputación da Coruña e coa colaboración dos Concellos protagonistas das rutas.