identidade

Unha exposición en Compostela, comisariada por Antón Reixa e Xosé Luís Canido, investiga a pegada deixada pola Galiza na obra de 50 autores universais como García Lorca, John Berger, Stephan Zweig, Miles Davis, David Chipperfield ou Sebastiao Salgado.

Os Maios constitúen unha manifestación estética que sintetiza varias formas de creación: a plástica dos propios Maios, as cántigas que se compoñen para a ocasión, as danzas de moitas localidades galegas... Todas elas son a expresión popular dun campo simbólico que axuda a reafirmar unha identidade e que contribúe a instaurar un imaxinario artístico propio. Onte tiveron lugar os primeiros en Pontevedra, en Poio, en Redondela, no Salnés, en Verín, no Barco... e nos próximos días aínda haberá máis Maios por diversos puntos da xeografía galega.
 

Carmen Penim, cantante e compositora, vén de publicar o seu novo traballo, 'A Fraga de Pasacorrendo' (Toxosoutos), en que aborda temas como as emocións e a relación coa natureza, así como a creación de historias para as crianzas incorporando “moitos recursos da narración oral, porque é algo que está dentro de min”.

Os discursos sobre a modernidade elabóranse desde os "centros", mais as "periferias" crean os seus propios paradigmas que cuestionan as xerarquías. Unha exposición no Centro Iberoamericano de Cádiz confronta obras de artistas galegos e andaluces na busca de complicidades e paralelismos.

Que sabemos realmente das cidades galegas? Cal é o papel que xogan A Coruña, Ferrol, Lugo, Ourense, Pontevedra, Santiago de Compostela e Vigo á hora de construír a identidade da Galiza? No mundo cara ao que nos diriximos, é posíbel aínda seguir a pensar nunha Galiza con identidade predominantemente rural, na que as urbes ocupan un segundo lugar? Estas e outras preguntas intenta responder a exposición Cidades no tempo, un proxecto da Consellaría de Educación e de Afundación, comisariado polo escritor e profesor da USC Manuel Gago.

A exposición Pingas rompentes, no Museo do Mar de Vigo, explora os diferentes modos en que a veciñanza co Atlántico modela a visión do mundo na Galiza. 

As compañías Incendiaria e A Quinta do Cuadrante estrean a peza de Manuel María A lúa vai encuberta, un percorrido pola historia contemporánea que desafía os silencios sobre a identidade galega. 

Unha exposición na Fundación Torrente Ballester de Santiago presenta unha imaxe rupturista de Colmeiro, que o distancia dos tópicos que o definen como un paisaxista "lírico" e clasicista, e que presenta a súa obra entre dous polos en diálogo: a construción nacional galega e a vangarda artística internacional. 

Un investigador inglés indaga na identidade galega a través do fútbol.

Hayden Dopico (A Coruña, 1991) asumiu a presidencia de Amizando, asociación galega en loita polo recoñecemento dos dereitos e das identidades trans, en 2020. Saír do armario levoulle tempo. Perto de seis anos entre o rexeitamento e a conquista dunha maior liberdade que só unha lei trans pode facer real, efectiva e duradeira. 

Rafael Quintía (Vigo, 1971) é antropólogo, profesor e escritor galego. Especialmente interesado na figura mitolóxica da moura, Quintía é autor do libro 'Análise estrutural e simbólica do mito da moura', onde analiza ao detalle todos os aspectos a ter en conta desta figura. Previo a isto, deu a coñecer a análise 'Mouros e mouras. Na procura de nós mesmos'. O antropólogo reivindica saber de onde vimos para saber cara a onde imos. 

O ciclo 'Mulleres e realidades comúns' que desenvolve a Asociación Cultural Alexandre Bóveda recibe esta sexta feira a filósofa, activista feminista e investigadora Carme Adán, quen reflexionará sobre o debate e o ruído que rodea a construción da identidade de xénero e a lei trans.

Quen escoite o último disco de Xurxo Fernandes, presentado a semana pasada, ben podería pensar que a música galega sempre estivo irmandada coa mediterránea. E se cadra si. Mais este é un dos primeiros álbums que as une de maneira tan declarada, como dúas faces deste artista e investigador das raíces orais: as galegas e as sefardís. O traballo de campo levouno a percorrer a Galiza enteira, pero tamén Turquía, Grecia, Bulgaria e Marrocos. Así, Levaino! pon o foco nas identidades, sempre minoritarias nun mundo globalizado, interrogando como sobrevivir nese contexto.