"A nosa primeira proposta será o xulgado de violencia de xénero para Lugo"
Maite Ferreiro Tallón naceu en Tórdea, Castroverde, no seo dunha familia labrega, e desde nova participou nas loitas agrarias conta a cota empresarial. Afirma que comezou así “a ser consciente de que o nacionalismo era unha boa ferramenta para defender o país das políticas que estaban acabando co mundo rural”. Foi responsábel da Secretaría de Mulleres do Sindicato Labrego Galego, traballou en varias empresas e desde o 2015 é concelleira do BNG en Lugo. Afronta agora o reto de liderar a candidatura do BNG por Lugo ás eleccións xerais. Responde por correo electrónico o cuestionario formulado por Sermos Galiza.