Eleccións Xerais 28 de abril

[ACTUALIZADA O DÍA 26 DE ABRIL ÁS 22.40] A formación de Santiago Abascal convidou e acreditou 80 medios de comunicación para esa noite mais fecha as portas a quen informa noutras linguas cooficiais no Estado.

A xornalista Beatriz Pino naceu en Vigo en 1975 e encabeza a candidatura de Ciudadanos ao Congreso por Pontevedra. É licenciada en Xornalismo pola Universidade Carlos III de Madrid, e voltou a Galiza após traballar en Telemadrid e Antena 3. Coñece ben a organización e ideoloxía de Ciudadanos, xa que foi a responsábel de comunicación do partido na Galiza. Responde por correo electrónico o cuestionario formulado por Sermos Galiza.

A lonxa da Coruña recibiu a visita de Pablo Iglesias, quen se comprometeu, xunto a Díaz e Gómez-Reino, a reforzar o sector da pesca “porque é estratéxico para Galiza”.

O autor de O canastro sen tornarratos. Resistencia popular na era do capitalismo sen democracia. Unha ollada galega, David Rodríguez, considera necesario que Galiza e as súas clases populares estean presentes e con voz no Congreso e alerta de que o país pode saír malparado ante o actual proceso de españolización. O autor do blog O funambulista coxo resalta a importancia de facer política alén das campañas, sobre todo a pé de rúa. Sermos Galiza conversa co escritor vigués sobre como ve a Galiza ante o 28A.

Iris Malvido encabeza a candidatura de En Marea ao Congreso pola circunscrición de Pontevedra. É licenciada en Psicoloxía nas especialidades social e clínica e viviu en Australia e en Inglaterra, onde traballou no ámbito de menores con rapazas e rapaces con problemas de conduta, trastornos alimentarios e trastornos do espectro autista. Tamén traballou como profesora de castelán e no sector servizos. Preséntase ás eleccións xerais co obxectivo de “dar voz ás galegas e galegos no Estado”, crendo “nunha política que coide a diversidade, que respecte e potencie as diferenzas, e que estea pensada por e para a xente”. Responde por correo electrónico o cuestionario formulado por Sermos Galiza.

Após dez anos de goberno de Alberto Núñez Feixoo, Galiza non obtivo ningunha transferencia de competencias nin de infraestruturas. Co logro acadado polo nacionalismo vasco ao facerse coa súa autoestrada negociando na Comisión permanente do Congreso, Feixoo amosouse disposto a reclamar competencias. Mais ao día seguinte mudou de criterio debido ao anuncio de Casado a prol da recentralización. Coñezamos que opinan as demais forzas políticas en materia de competencias a través dos seus programas electorais.

O presidente da Xunta chamou desde o mitin de Ourense a militancia e cargos de Ciudadanos e Vox a votar o Partido Popular para garantir unha maioría que apoie o 155.

A formación de Luís Villares comprométese a traballar polo desenvolvemento de leis trans e Lgtbi para rematar coas problemáticas e discriminacións que afectan o colectivo.
 

A portavoz nacional, acompañada do candidato pola Coruña, Néstor Rego, e á alcaldía compostelá, Goretti Sanmartín, partillou café e conversa con mozas e mozos nun piso de estudantes.

O ex vicepresidente da Xunta recoñece que segue a campaña electoral “desde a distancia”. Unha campaña, engade, “moi españolizada” e na que está a ser “difícil” introducir unha “axenda galega”. Sitúa o seu interese nas votacións do 28 de abril en ”saber até que punto Galiza vai ter ou non representación propia”.

Yolanda Díaz Pérez é avogada de profesión. Nada en Fene en 1971, estivo vinculada ao movemento de esquerdas desde moi nova. Foi coordinadora nacional de Esquerda Unida e deputada do Parlamento galego na anterior lexislatura con AGE. Actualmente é deputada no Congreso e preséntase de novo ás eleccións do 28 de abril co reto de “pór as institucións ao servizo da xente e ser útiles á cidadanía”. Responde por correo electrónico o cuestionario formulado por Sermos Galiza.

Ana Pontón e Néstor Rego mantiveron un encontro con delegados e delegadas na CIG na Coruña perante os que se comprometeron a derrogar as reformas laborais e a lei mordaza.

Compromiso por Galicia preséntase na circunscrición de Ourense co liderado de Sara Corral Losada. A candidata número un ao Congreso afronta o reto electoral co obxectivo de dar voz ao pobo galego en Madrid e esixir a modernización e finalización das infraestruturas que Galiza precisa. Responde por correo electrónico o cuestionario formulado por Sermos Galiza.

“É o momento” é o título do videoclip que o BNG vén de lanzar nas redes para chamar ao voto o 28 de abril. Rock, rap e toques tradicionais reforzan a aposta política do Bloque pola promoción da creación e a defensa da cultura galega.

Diante do 28A, a presentadora e xornalista Tati Moyano considera que “Galiza xógase mudar escanos pasivos, afeitos a render contas ante intereses que non teñen Galiza como eixo das súas estratexias”, por unha representación “que mire por nós e polo desenvolvemento transversal do país”.

Nada en Ourense en 1987, Ledicia Piñeiro é diplomada en Educación Social e compaxina o traballo nese ámbito coa súa paixón polo teatro e a interpretación. Naceu nunha familia traballadora do sector ferroviario e desde nova implicouse no movemento estudantil e no activismo político. Foi ademais concelleira pola candidatura de Ourense en Común durante tres anos. Responde por correo electrónico o cuestionario formulado por Sermos Galiza.

Dez anos de recortes orzamentarios, reorganización neoliberal e precarización laboral estaláronlle ao Goberno de Alberto Núñez Feixoo ao longo do último ano. A sanidade pública pasou a ser unha das áreas sociais máis conflitivas de Galiza e onde o Partido Popular percibiu unha enorme vía de auga política que o levou a recuar en non poucas medias e ante non poucas protestas.
 

Abascal na Coruña advirte que España non se discute, senón que se defende até as últimas consecuencias fronte calquera intento independentista. Ás portas do mitin concentrouse máis dun cento de mozas e mozos con bandeiras de Galiza e lemas antifascistas e feministas.

Nunha xuntanza co comité de empresa de Bosch en Vigo, o portavoz de En Marea, Luís Villares, propuxo para frear as deslocalizacións de empresas que se penalice aquelas que o fagan se previamente recibiron subvencións públicas.