Iris Malvido, candidata número 1 de En Marea por Pontevedra
Redacción
25/abr./19 8:57
Iris Malvido encabeza a candidatura de En Marea ao Congreso pola circunscrición de Pontevedra. É licenciada en Psicoloxía nas especialidades social e clínica e viviu en Australia e en Inglaterra, onde traballou no ámbito de menores con rapazas e rapaces con problemas de conduta, trastornos alimentarios e trastornos do espectro autista. Tamén traballou como profesora de castelán e no sector servizos. Preséntase ás eleccións xerais co obxectivo de “dar voz ás galegas e galegos no Estado”, crendo “nunha política que coide a diversidade, que respecte e potencie as diferenzas, e que estea pensada por e para a xente”. Responde por correo electrónico o cuestionario formulado por Sermos Galiza.