Eleccións galegas 12 de xuño

O presidente da Xunta, na reunión da xunta directiva do PPdeG, advertiu que "os partidos que se pelexan sacan malos resultados". Sobre o futuro do país, dixo que vén unha "época dura", con "menos diñeiro e menos orzamento".

A formación, que participou nas eleccións na coalición Galicia en Común-Anova Mareas, pospón unha “reflexión profunda” na súa XIII Asemblea Nacional.

O voto exterior, cun mundo en pandemia e un sistema electoral español con lagoas, sufriu atrancos nas eleccións galegas, habendo países onde as papeletas nin chegaron, e a Xunta teme agora que os sobres non se reciban a tempo para o reconto.  Nós Diario conversa con expertos arredor das eivas na calidade democrática no voto CERA. 

As comarcas de Verín e Viana, o concello de Xove, na zona da Mariña; ou o de Cedeira, en Ferrolterra; son algúns dos emprazamentos onde o PP experimentou unha caída máis forte nas eleccións do 12-X. Precisamente, todas estas zonas protagonizaron nos últimos meses masivas protestas.

As urnas vascas deron o 12-X un Parlamento cunha maioría abertzale non vista até a data. O PNV e Bildu suman 53 escanos (a maioría absoluta está en 38). Non obstante, o cálculo do lehendakari en funcións, Iñigo Urkullu, apunta cara a reeditar o Goberno co PSE. Na casa socialista, porén, amósanse xa  discrepancias sobre tal estratexia. 
 

Mesmo en pandemia as eleccións galegas volven deixar acusacións por carretaxe a colexios electorais de persoas maiores. As catro residencias sinaladas polo transporte de anciáns da man de monxas e persoal do centro pertencen á mesma congregación relixiosa: Las Hermanitas de los Ancianos Desamparados.

O PP mantén a súa maioría absoluta na Galiza, ao reeditar practicamente os resultados dos comicios de 2016. Mentres o BNG se sitúa en máximos de representación, logrando uns resultados que a súa dirección cualifica de históricos, o PSdeG fica lonxe, en palabras de Gonzalo Caballero, dos obxectivos marcados para este proceso. O Parlamento da Galiza, coa ausencia das organizacións herdeiras de En Marea, enfronta a que se anuncia como última lexislatura de Alberto Núñez Feixoo na política galega.

"Os soños son o motor do cambio e nós imos seguir traballando por ese soño colectivo de construír a Galiza que queremos", afirmou a xa líder da oposición galega. 

O Partido Popular perde apoio nas sete cidades galegas, pero mantense como forza máis votada, e en Lugo supera 50% dos votos emitidos. O BNG logra ser segunda forza nas urbes, excepto en Vigo, a única onde o PSdeG se sitúa en segunda posición.

O PP perde votos na Mariña, unha zona fortemente afectada pola crise industrial, cos despedimentos de Alcoa; e mais coa crise sanitaria, co rebrote do coronavirus que deixou sen voto ás persoas positivas na Covid-19, sen que o Goberno galego nin a Xunta Electoral habilitasen medidas para garantir o dereito ao sufraxio de toda a poboación. O PSdeG tamén baixa e o BNG é a forza que máis sobe. A participación na Mariña Central cae até 10 puntos. 

Alberto Núñez Feixoo e Ana Pontón. Dúas caras da moeda e dous gañadores da noite do 12 de xullo. O candidato do Partido Popular repite por cuarta vez como presidente da Xunta, igualando Manuel Fraga, en número de lexislaturas, mais non logra chegar á marca do seu antecesor, que conseguira 43 escanos en 1993. A líder do BNG asina unha espectacular suba de 13 escanos e sitúase como xefa da oposición, por diante de Gonzalo Caballero. Galicia en Común non obtén representación, ao igual que Vox, Ciudadanos e Marea Galeguista.

Os primeiros resultados das eleccións galegas non se afastan do apuntado nas enquisas a pé de urna: o Partido Popular recunca na Presidencia da Xunta e sorpaso do BNG ao PSOE. 

"Confírmase que existe unha tendencia á alza", asegurou a coordinadora da campaña nacionalista.

O secretario xeral do PP galego, Miguel Tellado, interveu ás 20.30 horas deste 12-X. “Ao Goberno que saia das urnas desexámoslle vontade de dialogo e capacidade de xestión". “Desexamos que acerte” ese Goberno que saia das unas, dixo, “porque a súa sorte será a de todos os galegos”.

Son os resultados dunha sondaxe realizada por GFK á pé de urna con 14.400 enquisas en 120 colexios electorais da Galiza para CRTVG. 

A xornada electoral en Euskadi deixa unha caída histórica da participación ás 17 horas. 36,02% do censo votou, 8,36 puntos menos que a cifra rexistrada a esa mesma hora nos comicios de hai catro anos, que se situaba en 44,38%.

A participación nos comicios galegos sobe 0,46 puntos ás 17 horas, tendo xa votado a esa hora da tarde 42,95% do censo electoral, unha cifra similar á das eleccións galegas de 2016.

O candidato de Marea Galeguista á Presidencia da Xunta, Pancho Casal, chamou á participación nas urnas para garantir que haxa un "Goberno plural".

O candidato de Galicia en Común á Presidencia da Xunta, Antón Gómez-Reino, esperou que na xornada electoral deste domingo 12 de xullo teña lugar unha "importante mobilización democrática" que "rompa co pasado".