Eleccións galegas 12 de xuño

O candidato do PSdeG á Presidencia da Xunta, Gonzalo Caballero, pediu unha participación "masiva" nas eleccións que marque a "páxina do futuro" da Galiza.

O candidato do Partido Popular á Presidencia da Xunta, Alberto Núñez Feixoo, chama a acudir ás urnas, das que espera que saia "un Parlamento claro, que dea estabilidade" a Galiza, "no momento de maior dificultade dos últimos 40 anos".
 

A candidata do BNG á Presidencia da Xunta, Ana Pontón, chamou este domingo á  participación electoral para "facer historia" nun momento "decisivo" para a Galiza e lamentou que "centos de galegas e galegos non poidan exercer un dereito fundamental como é o dereito ao voto", en alusión aos casos positivos en coronavirus, cuxa prohibición a acudir ás urnas foi avalada pola Xunta Electoral Central, sen que se despregase ningún mecanismo alternativo para garantir o dereito ao sufraxio. 
 

432.904 galegas e galegos exerceron o seu voto antes do mediodía, o que supón un incremento de participación de 4,4 puntos. Esta aumenta de maneira máis considerábel nas circunscricións de Pontevedra e A Coruña, que adoitan ser menos favorábeis para o PP que as de Lugo e Ourense.

O director  xeral de Emerxencias e Interior, Santiago Villanueva, na primeira das catro comparecencias previstas sobre o desenvolvemento da xornada electoral neste 12-X, informou de que ás 10,30 horas estaban abertas "100% das mesas", o que supón un total de 3.952 distribuídas "nos 2.395 locais electorais na Galiza", puntualizou.

11.856 galegas e galegos están chamados este domingo 12 de xullo a constituír 3.952 mesas en 2.395 locais para que 2.234.252 persoas poidan exercer o dereito ao voto nos 313 concellos galegos, divididos en 590 distritos e 2.156 seccións electorais.
 

O candidato do PSdeG á Presidencia da Xunta, Gonzalo Caballero, fixo un chamamento neste sábado de reflexión a unha participación "masiva" nas eleccións galegas. "Por un voto decídese un Goberno", asegurou.

A Xunta da Galiza considera que ir votar este domingo dando positivo en Covid-19 ou estando á espera de realizar a proba ou con síntomas sería unha infracción da Lei de  Saúde da Galiza por desobediencia ás autoridades sanitarias e causar un risco de saúde.
 

O candidato de Galicia en Común, Antón Gómez-Reino, apelou este sábado de reflexión a as galegas e os galegos expresen nas urnas “democraticamente a súa vontade de facer un país diferente a partir do día 13 de xullo".
 

Os casos activos de coronavirus na Mariña aumentaron este sábado a 186, segundo o Sergas. Esta situación foi valorada por Alberto Núñez Feixoo nesta xornada de reflexión, asegurando que “está diminuíndo a incidencia" do brote e lanzou unha "mensaxe de tranquilidade" para ir votar.
 

O vicepresidente da Xunta, Alfonso Rueda, considera que o número de persoas que non poderán votar este domingo por mor do coronavirus, case 300, "non é significativo". Rueda informou este sábado 11 de xullo de que a Consellaría de Sanidade comunicou ás persoas contaxiadas ou que fican pendentes de probas que non poden ir votar. O número pode medrar ao longo deste sábado sen a Xunta ter explorado outras vías que garantan o sufraxio de todas.

 A candidata do BNG pasou a mañá do sábado de reflexión coa familia e amizades no entorno da praza de Abastos de Compostela, desde onde fixo un chamamento ás persoas que aínda non decidiron o seu voto a pensar en que Galiza queren vivir e con que Galiza soñan.

Políticos e analistas comparten con Nós Diario as súas impresións sobre como decorreu esta campaña a distancia e con máscaras de protección.

Este domingo 12 de xullo até 2.234.252 galegas e galegos están chamados a acudir ás urnas e 72.000 xa votaron por correo. O censo total de electoras e electores ascende a 2.697.315 persoas, das cales 463.163 son residentes no estranxeiro.

Rematou unha campaña inesquecíbel para as galegas e galegos. A contenda chegou á súa fin na sexta feira, 10 de xullo, entre máscaras, rebrotes, corentenas, pandemia e a firme vontade de Feixoo por votar o 12-X a pesar da situación epidemiolóxica. Todo fica aberto, sendo tan posíbel unha nova maioría absoluta do PP como que se produza un cambio de Goberno. 

"Imos dar a sorpresa o domingo", di Ana Pontón, "se hai unha gran mobilización de toda a xente que está farta e indignada de ver como o país vai para atrás". A nacionalista anima a concentrar todo o voto a prol do cambio no BNG

"O voto útil para que haxa cambio na Galiza é PSdeG-PSOE", apuntala Gonzalo Caballero, ao tempo que chama o electorado progresista a mobilizarse este domingo para o Partido Socialista liderar a nova Xunta.

O líder de Galicia en Común ve posíbel que Feixoo e o PP perdan o 12-X e que haxa un Goberno alternativo na Galiza. Mais para logralo, incide na necesidade de que o votante de esquerdas se mobilice.

O obxectivo é comprobar que, após a instalación de todo o material e mobiliario necesario, respecten as medidas de prevención sanitarias fronte á COVID-19

Santiago Abascal, líder da formación ultradereitista, afirmou que o nacionalismo galego é "pailán e ridículo" no marco dun mitin que protagonizou na cidade da Coruña durante o serán de onte.