O ministro de Exteriores do Goberno español, José Manuel Albares, anunciou en rolda de prensa esta terza feira que a UE adía de novo a votación sobre a oficialidade de galego, catalán e euskera nas institucións europeas ao día 20 de novembro.
Varios gobernos membros da UE aseguraron que o Executivo español “apurou demasiado” e “non resolveu todas as dúbidas” sobre como quere que sexa o proceso de oficialización do galego, catalán e euskera.
O 19 de setembro, o Estado español levou á mesa do Consello de Asuntos Xerais da Unión Europea a modificación da normativa lingüística para facer oficial o galego.
Nin 'non' nin 'veto'
Ese día non houbo ningún "non" nin veto á proposta. Púidose debater, mais antes de aprobalo houbo que resolver que incremento de gasto supón e como se paga; como se incorpora legalmente á normativa europea que un Estado membro propoña tres linguas oficiais máis, á marxe da que xa ten recoñecida; e, moi importante, por que agora hai que abrir a porta a novos recoñecementos e que implicacións tería de cara ás futuras reivindicacións doutras comunidades lingüísticas”.
-
![]()
-
Albares asegurou que “seguimos avanzando na nosa proposta” ao tempo que dixo que “non sería complicado encontrar tradutores e intérpretes para estas tres linguas xa que non son minoritarias”.
![Publicidade 195691]()
En varias ocasións, Albares indicou que “estamos a negociar para os tres idiomas en igualdade de condicións, non queremos que sexa primeiro o catalán e despois o resto”.
