Vistalegre II

A continuidade dos máximos dirixentes de Podemos após o affaire do chalet dos 600 mil euros foi sancionada nunha consulta cunha participación superior á rexistada en Vistalegre II, o 38,57 por cento das persoas inscritas no partido morado. Dous terzos votaron a favor de Iglesias e Montero reteren os seus cargos -secretario xeral e portavoz do grupo parlamentar, respectivamente-, un terzo a prol da súa demisión. Que un terzo da túa militancia che exixa a renuncia é sinal dun desgaste significativo.

Antón Gómez-Reino, un dos dirixentes de Podemos na Galiza, prefire planificar o meio e o longo prazo antes que desbaldir enerxías nas escaramuzas do día a día. Entrevistámolo no número 235 do Sermos Galiza en papel, á venda nos quiosques e na loxa.

A lóxica de todo ou nada imponse na formación morada, con Iglesias como favorito. Esta fin de semana realízase o conclave podemita, no palacio madrileño de Vistalegre. O Sermos232 debruzouse sobre o asunto.

Carmen Santos é a secretaria xeral de Podemos Galicia e nesta entrevista fala con moita clareza, e crueza, sobre o confronto co errejonismo que está a marcar o tenso desenvolvimento do segundo congreso estatal do partido morado. Para Santos, Errejón e os Anticipalistas queren un "líder carente de poder político" suficiente para levar a termo o seu proxecto. E opina que a maioría das bases da organización na Galiza non está pola dupla militancia en Podemos e na Marea. 

38 anos. Pontevedrés. Activista do 15 M. Parlamentar de En Marea no Hórreo. Ostenta, con Ángeles Rodríguez Pam, a representación galega na candidatura de Íñigo Errejón a Vistalegre II. Ten claro que o camiño para "gobernar en 2020" non é "cavar trincheiras", senón abrir Podemos e empoderar a cidadanía. Non ve nengún risco de escisión e reivindica o dereito "das inscritas e dos inscritos" a decidir en cada proceso eleitoral se a formación morada vai ás urnas soa ou na compaña de En Marea. 

Non deixa de medrar a tensión entre as familias conforme se achega o conclave no Palacio de Vistalegre (10, 11 e 12 de febreiro). Íñigo Errejón xa ten asumido que o núcleo duro da dirección pablista non o quer como número dous. Iglesias, informa ElIndependiente.Com, pensa en Errejón como alternativa para Madrid.

Paula Quinteiro (Vigo, 1990) é o referente na Galiza de Anticapitalistas, partido de raíz trotskista organizado en Podemos. É tamén parlamentar de En Marea. Curtida no movimento feminista e no 15M, esta enfermeira do SERGAS defende a "dupla" e até "a tripla" militancia, isto é, militar á vez en Podemos e na Marea. Nesta entrevista esmiúza o debate en curso na formación morada, nas vésperas de Vistalegre II.

A decisión de Pablo Iglesias de encabezar a lista ao Consello Cidadán -non tiña por que facelo porque vai ser o único candidato con opcións á secretaría xeral- é interpretada por propios e alleos como sinal de que quer converter Vistalegre II nun referendo plebiscitario arredor da súa figura.

A confluencia vive os seus momentos máis críticos, cun confronto aberto entre pablistas e errejonistas. A terceira vía de Carolina Bescansa faise a un lado. A politóloga compostelá non optará a ningún cargo en Vistalegre II.

Pola mesma razón que leva o PP a falar das "Mareas de Podemos", a equipa de Pablo Iglesias reférese á candidatura crítica como "a corrente de Íñigo e Tania". Non son casualidades. Obedecen a estratexias de comunicación minuciosamente planificadas. 

A xulgar polo ton das declaracións dos protagonistas, a cimeira de líderes das distinta correntes, chamadas por Iglesias para forxar un consenso antes de Vistalegre II, concluíu en fracaso. A tensión é notoria e a impresión é que Errejón vai sumando puntos.

No documento organizativo que, con vistas a Vistalegre II, apresentou a candidatura oficial, a liderada por Pablo Iglesias, incorpórase o requisito de que calquera alianza sexa acordada no Consello Cidadán por dous terzos dos seus integrantes, unha demanda de Errejón.