filosofía

Chus Pato, Fermín Muguruza, Sabela Hermida ou pontevedrés Germán Labrador estarán tamén entre os 15 relatores/as que achegarán as súas miradas do 10 ao 14 de abril no Teatro Principal de Pontevedra.

Rebeca Baceiredo (Ourense, 1979) volve sobre a análise do xénero no seu novo libro: Os corpos inscritos e os textos escritos. Xénero, moda e literatura (Xerais). A ensaísta afonda en cuestións xa tratadas en 'Oiko-nomía do xénero', onde explora a voz das subalternas fronte a masculinidade hexemónica.

Victorino Pérez Prieto avoga no seu último libro, A unidade e a harmonía da realidade. Complexidade e ecoloxía (Galaxia), pola conciliación das loitas emancipatorias e por unha forma holística de comprender a nosa relación coa terra e cos pobos que forman a humanidade.

Hai aproximadamente un ano que se aprobou o informe do Anteproxecto de Lei para a igualdade real e efectiva das persoas trans e para a garantía dos dereitos das persoas LGTBI, pero as polémicas seguen activas. Máis, se cabe, despois de que o Consello Xeral do Poder Xudicial aprobase o texto o pasado mes de abril coa proposta de acoller algunhas variacións. Se nos detemos nestes debates, descubrimos que o que agochan fundamentalmente é unha diferenza de criterio sobre a lexitimidade do que se é e o que se quere ser, é dicir, se é tan lexítimo "ser" como "querer ser". Isto pon de relevo, alén de que o que é válido é sempre unha epistemoloxía, a cuestión de fondo, que é unha cuestión ontolóxica: cal é a "realidade", o que existe, no que atinxe ao xénero? Por que algunhas persoas "son" e outras "queren ser"? 

A edición da Semana de Filosofía, que deu comenzo nesta segunda feira no Pazo de Congresos de Pontevedra, terá como título 'Filosofía e Contrahexemonía'.

Olga García Fernández será a encargada de pechar a segunda xornada da semana

A partir do vindeiro curso entrará como materia optativa no currículo da Educación Secundaria Obrigatoria

A cita terá lugar este ano do 18 ao 22 de abril en Pontevedra. Manterá a organización en tres quendas de actividades diarias.

O profesorado de Filosofía volve á carga para evitar que o alumnado de Secundaria se vexa privado dunha materia que a última reforma educativa do Goberno non considera. O futuro currículo da ESO non inclúe a Ética nin a Reflexión Moral como pedían os docentes. E sen Filosofía, din, non hai coñecemento nin revolución. 

En Twitter tamén se pode ter información sobre bibliografía de filosofía en galego. Unha conta deixanos cada día nesta rede social unha recomendación. 

Éxodo, o último libro de narrativa de Rebeca Baceiredo, é unha recuperación da memoria da aldea. Que é, tamén, di ela, unha volta a un xeito de entender e de estar nun mundo que, para quen teña a experiencia de habitala, marca as estruturas antropolóxicas -máis que psicolóxicas- que nos conforman. A autora reivindica a aprendizaxe da economía do don -de dar- ou da relación coa comunidade. Mais sen idealizar. Sen clixés. Reflexionando para chegar a espazos máis conscientes, como fai tamén no seu último ensaio, Como não ser tranquilamente humanos.

Entre o 5 e o 9 de abril, o Teatro Principal de Pontevedra, acolle os encontros presenciais e que tamén se transmitirán en liña da XXXVII Semana Galega da Filosofía. Un evento que tivo que ser cancelado en 2020 por mor da pandemia e que agora recupera a súa temática, a "civilización dixital".

A editorial Catroventos publica Setenta ideas para a (pos)pandemia, un mapa para guiarse polas contradicións que a pandemia sementa nunha sociedade enfrontada a unha situación inédita. Globalización, sustentabilidade, capitalismo... son termos que adquiren agora novos significados e que hai que repensar á luz do novo contexto.

Rafael Saco, profesor de Filosofía no IES Félix Muriel de Rianxo e creador do Proxecto a prol dun monte vivo, explica as características da iniciativa e opina sobre a importancia de crear conciencia no que á realidade medioambiental se refire. Saco expón que se trata dun proxecto escolar de carácter interdisciplinar que se está a levar a cabo no seu instituto desde o curso pasado en colaboración coas mancomunidades da zona.  

Ramón Regueira Varela (Melide, 1943) teno claro: "A culpábel de todo o que pasa na Galiza nestes momentos é a Xunta, porque o señor Feixoo ten transferidas a sanidade, a educación e a dependencia, e se aquí non funcionan ben eses eidos, a responsabilidade é súa". Porén, o home que hai case 40 anos fundara a Aula Castelao de filosofía, pensa que a saída da crise provocada pola pandemia da COVID-19 non só pasa por un cambio político, senón tamén por unha revolución das ideas e un cambio de paradigma mental e social articulado arredor do público. 

O primeiro Festival de Filosofía que decorre na Galiza, da man do Consello da Cultura Galega, puxo en cuestión a liberdade na sociedade actual. As series, Tinder ou o fútbol centraron os focos dun debate dirixido a enganchar a cidadanía con temas de plena actualidade, que reivindica a necesidade de pensar en colectivo. 

Mañá arrinca un festival... pero de filosofía! Esta iniciativa do Consello da Cultura Galega, explica a coordinadora, Carme Adán, pretende achegar o pensamento ao público xeral, poñendo en cuestión, nun momento de especial urxencia, como anticipa o título, a nosa autonomía: "Libres: en serio??? Mito, realidade ou posverdade".