filosofía

No libro, que se pode descargar nesta mesma noticia, Francisco Sampedro,  Iolanda Teixeiro, Fernando Ramallo e Manuel Outeiriño elaboran cadanseu decálogo arredor da súa consideración sobre “en que mundo entramos, ou, en todo caso, a que fase do sistema-mundo actual nos diriximos”.

O Día da Filosofía é de «quen se preocupa polo pensamento». Son as palabras da Unesco á hora de recoñecer o valor duradeiro da Filosofía como disciplina e de estabelecer unha xornada para a súa celebración. Desde 2005 son moitos os centros de ensino que festexan unha materia desprezada polas sucesivas reformas educativas, e que busca recuperar o seu propio espazo no currículo de secundaria.

Concluíu a XXXVI Semana Galega de Filosofía, pola que pasaron algúns dos máis reputados estudosos e estudosas internacionais das fronteiras. Aliás, cinco investigadores galegos pensaron “a fronteira na Galiza”. A programación, organizada pola Aula Castelao, chamou a acabar coa "idea fatalista de pensar que non é posíbel mudar o mundo".

O psiquiatra e profesor Achotegui resalta no seu relatorio na Semana Galega de Filosofía que o ser humano é migrante por natureza, pero as condicións nas que o fai na actualidade son extremas e nada teñen que ver coas de hai 30 anos cara a América.

A arbitrariedade dos mapas, a xeopolítica das migracións, o territorio desde as marxes, a nova división internacional do traballo. Sobre estes e outros asuntos fundamentais para comprender o mundo contemporáneo tratarán 15 expertas e expertos na 36ª edición da Semana Galega de Filosofía de Pontevedra, que comeza este 22 de abril.
 

Activistas da plataforma Filosofía Si celebran que a Xunta recupere parcialmente a materia de Filosofía como obrigatoria no bacharelato de ciencias sociais e humanidades e como troncal optativa de oferta obrigatoria para os demais. “A medida é sen dúbida moi positiva e significa un importante paso adiante”, afirman nunha declaración remitida aos medios de comunicación.
 

Os promotores da ILP para pedir que filosofía volva ser obrigatoria no ensino secundario animan a tuitear aforismos, frases... de filósofos baixo o HT #FilosofíaSi. Unha iniciativa que quer ser activa e participativa para defender un outro modelo de ensino.

Carme Adán, Jorge Álvarez e demais membros da Comisión Promotora creada para este fin apresentaron esta quinta feira unha Iniciatica Lexislativa Popular no rexistro do Parlamento Galego. A proposta ten como obxectivo que historia da filosofía sexa de carácter obrigatorio no bacharelato.

Ao longo desta semana a filosofía estivo presente de maneira moi especial en Compostela. O evento ‘Filosofía na rúa” comezou na segunda feira e remata esta sexta. Na cuarta feira tivo lugar a conferencia ‘As estrelas dobres como fonte de información astronómica (e inquedanzas filosóficas)’ impartida por José Ángel Docobo, director do Observatorio Astronómico Ramón Mª Aller da USC.

José Ángel Docobo, director do Observatorio astronómico 'Ramón María Aller'.

Esta segunda feira, 28 de marzo, comeza a XXXIII edición da Semana da Filosofía de Pontevedra, que nesta ocasión analizará a política e o TTIP e que terá lugar no Teatro Principal da cidade.