Atopados restos arqueolóxicos de orixe romana en Lugo
As obras de peonalización da rúa Ramón y Cajal da cidade de Lugo deixaron ao descuberto varios tramos de muro de cachotería de lousas, restos arqueolóxicos de orixe romana, durante o transcurso dos traballos. Esta situación provocou que os traballos continúen noutra zona "baixo estrito control", segundo o Concello de Lugo, mentres o servizo de arqueoloxía procede á limpeza, estudo e ditaminación da relevancia arqueolóxica dos restos atopados.
Segundo o concello, o proxecto de humanización e peonalización 'Corazón Verde' non se viu "en absoluto afectado", dado que os traballadores e o Concello anticiparon esta situación tras a aparición de hipocaustos romanos -uns cuartos que se quentaban cun sistema no chan- en escavacións anteriores na mesma rúa.
Fillas de Cassandra estrea hoxe en Vigo 'Últimas dionisíacas', a súa nova proposta escénica e musical
Eloxio da melancolía: Alberto Gracia
A Fundación Luis Seoane dedica unha mostra á obra experimental de Lois Patiño
A Fundación Luis Seoane inaugura esta quinta feira, 25 de xaneiro, a exposición Lois Patiño. Marea, un proxecto que reúne as instalacións, videocreacións e curtametraxes experimentais realizados polo cineasta Lois Patiño até 2010. Comisariada por Alberto Carton, a mostra estará na Fundación até abril, e no Centro Torrente Ballester de Ferrol a partir do mes de maio. Ademais, os días 27, 28 e 29 de febreiro, a Filmoteca de Galiza dedicará un ciclo á obra do realizador galego.
Marea xira ao redor de dúas pezas: Hadal, unha instalación composta por un vídeo, dúas videoinstalacións e unha instalación lumínica; e a curtametraxe experimental El sembrador de estrellas. A instalación Hadal "mergúllanos nunha incerta escuridade do mar, e reflexiona sobre aspectos perceptivos e sensoriais da experiencia submariña. A flotabilidade do corpo, a atención á respiración e o movemento oscilante da luz, envólvennos nunha experiencia íntima de fonda introspección", como describe o seu autor.
O Museo de Lugo incorpora á súa colección unha obra de Leopoldo Nóvoa
O Museo Provincial de Lugo incorpora á súa colección de arte galega a obra Samos do artista lucense Leopoldo Nóvoa (1919-2012), doada ao museo pola viúva do pintor, Susana Carlson. A deputada de Cultura, Iria Castro, e a directora do Museo, Aurelia Balseiro, recibiron a doazón da man de Rosario Sarmiento, comisaria da exposición Leopoldo Nóvoa. O silencio da pintura, patente na Sala de Exposicións Temporais até o 4 de febreiro.
Samos é un cadro que ten como elemento central unha lasca de pizarra recollida polo pintor na vila de Samos. Foi realizado en Armenteira, na casa-taller na que Nóvoa, pasaba longas tempadas estivais, e que constituía un dos seus espazos de creación mais importantes. Un lugar da gran sobriedade, beleza e recollimento que Nóvoa levaba as súas obras. En Samos está presente, nese sentido, o valor da sobriedade no discurso plástico do artista. É unha obra na que predomina os negros o grises, apenas rotos por una banda de cor avermellada que atravesa a súa superficie lateralmente.
Madó Santos: "A cultura precisa de investimentos a longo prazo"
Que é iso da cultura?
Entradas esgotadas para a presentación do novo directo de Fillas de Cassandra
Fillas de Cassandra vén de pendurar o cartel de "entradas esgotadas" para a presentación no seu novo directo, Últimas Dionisíacas, que terá lugar o 16 de febreiro no hall do Auditorio Mar de Vigo. En menos de 10 días, o dúo conformado por María Soa e Sara Faro vendeu os 1.400 billetes dispoñibles para a cita; o que dá boa conta do momento que está a vivir o grupo, a gran revelación da escena musical do pasado 2023.
Últimas Dionisíacas é a nova proposta escénica e musical de Fillas de Cassandra, na que as artistas farán unha revisión dos temas máis recoñecidos do seu primero LP, Acrópole, desde unha electrónica máis escura e potente; ademais de recuperar algúns dos sinxelos publicados nos últimos meses e avanzar outros inéditos para o público.
Brais Morán & Nasaufunk publican o día 15 o seu terceiro disco, 'Revolución Chic'
O festival Norte Cinema Diverso busca curtas en galego
Cinema para a cativada na oitava edición de Pequefilmes
Entre as películas programadas destacan dúas curtas galegas e en lingua galega. Trátase de O monstro e a nena de Jorge Juan Costas Mira e Morte e O meu avó de Gon Caride. A programación contaré tamén con filmes que recibiron importantes recoñecementos en prestixiosos festivais. É o caso da produción portuguesa Ice merchants de João Gonzalez, con nomeación ao Oscar e premio á Mellor Curta Animada no Festival de Cine Infantil de Chicago, o máis importante do mundo neste xénero.
Cultura outorga ao 'Hematocrítico' a Medalla de Ouro ao Mérito nas Belas Artes 2023 a título póstumo
Janet Novás presenta 'Feelings' na Fundación Luis Seoane da Coruña
O vindeiro día 13 de xaneiro, ás 20 horas, a bailarina, coreógrafa e actriz Janet Novás (O Porriño, 1982) presentará a performance Feelings na Fundación Luís Seoane da Coruña, dentro do seu ciclo "Body Talk". A peza cuxo título fai referencia ao célebre tema do músico brasileiro Morris Albert, é “un traballo que nunca se definiu. Naceu o día dunha morte e xurdiu coma un berro ou un pranto por esa perda. Desde ese momento negouse a tomar unha forma concreta e tamén negouse a morrer. Feelings é un corpo vivo que quere habitar espazos para chorar, para tomar o pranto como un exercício de liberación, para bailalo e exaltar a beleza dun corpo abatido”. Ao longo da súa traxectoria, Novás desenvolveu unha linguaxe na que conviven a carga emocional e a sinxeleza estética. As súas creacións formaron parte da programación de prestixiosos festivais e foron galardoadas con diferentes premios. Como actriz, Janet Novás vén de debutar no papel principal da película O Corno de Jaione Camborda, gañadora da Concha de Oro no Festival Internacional de Cine de San Sebastián.