cultura

A nova escena musical galega convértese en protagonista do festival Atlantic Pride, que celebrará a súa quinta edición na Coruña do 7 ao 14 de xullo. Mondra -que protagoniza o Sermos Galiza desta fin de semana-, Sila Lua, O Rabelo e Nenaza, Catuxa Salom, Lontreira e Amoebo. No programa do Atlantic Pride está tamén confirmada a presencia das estrelas eurovisivas Rosa López, Las Ketchup e Lucía Pérez e Nebulossa, o dúo irá ao Festival da Canción de Eurovisión 2024 con Zorra.

As obras de peonalización da rúa Ramón y Cajal da cidade de Lugo deixaron ao descuberto varios tramos de muro de cachotería de lousas, restos arqueolóxicos de orixe romana, durante o transcurso dos traballos. Esta situación provocou que os traballos continúen noutra zona "baixo estrito control", segundo o Concello de Lugo, mentres o servizo de arqueoloxía procede á limpeza, estudo e ditaminación da relevancia arqueolóxica dos restos atopados.

Segundo o concello, o proxecto de humanización e peonalización 'Corazón Verde' non se viu "en absoluto afectado", dado que os traballadores e o Concello anticiparon esta situación tras a aparición de hipocaustos romanos -uns cuartos que se quentaban cun sistema no chan- en escavacións anteriores na mesma rúa.

 

O Auditorio Mar de Vigo acolle na noite de hoxe a estrea do novo espectáculo de Fillas de Cassandra, 'Últimas dionisíacas'. Con este directo afrontan unha nova etapa e poñen o ramo a 'Acrópole' a través do festexo e a catarse.

Do 25 de xaneiro ao 4 de febreiro decorre o Festival de Cinema de Rotterdam, unha das grandes referencias para a cinefilia de todo o planeta. Entre as 14 longametraxes que integran a súa competencia principal hai unha produción galega, La Parra, dirixida polo ferrolán Alberto Gracia, un creador inconformista e lúcido cuxa obra move sempre á reflexión sobre o que queda de humano na sociedade do espectáculo. A lingua galega estivo presente estes días na gran pantalla de Rotterdam.

A Fundación Luis Seoane inaugura esta quinta feira, 25 de xaneiro, a exposición Lois Patiño. Marea, un proxecto que reúne as instalacións, videocreacións e curtametraxes experimentais realizados polo cineasta Lois Patiño até 2010. Comisariada por Alberto Carton, a mostra estará na Fundación até abril, e no Centro Torrente Ballester de Ferrol a partir do mes de maio. Ademais, os días 27, 28 e 29 de febreiro, a Filmoteca de Galiza dedicará un ciclo á obra do realizador galego. 

Marea xira ao redor de dúas pezas: Hadal, unha instalación composta por un vídeo, dúas videoinstalacións e unha instalación lumínica; e a curtametraxe experimental El sembrador de estrellas. A instalación Hadal "mergúllanos nunha incerta escuridade do mar, e reflexiona sobre aspectos perceptivos e sensoriais da experiencia submariña. A flotabilidade do corpo, a atención á respiración e o movemento oscilante da luz, envólvennos nunha experiencia íntima de fonda introspección", como describe o seu autor.

O Museo Provincial de Lugo incorpora á súa colección de arte galega a obra Samos do artista lucense Leopoldo Nóvoa (1919-2012), doada ao museo pola viúva do pintor, Susana Carlson. A deputada de Cultura, Iria Castro, e a directora do Museo, Aurelia Balseiro, recibiron a doazón da man de Rosario Sarmiento, comisaria da exposición Leopoldo Nóvoa. O silencio da pintura, patente na Sala de Exposicións Temporais até o 4 de febreiro. 

Samos é un cadro que ten como elemento central unha lasca de pizarra recollida polo pintor na vila de Samos. Foi realizado en Armenteira, na casa-taller na que Nóvoa, pasaba longas tempadas estivais, e que constituía un dos  seus espazos de creación mais importantes. Un lugar da gran sobriedade, beleza e recollimento que Nóvoa levaba as súas obras. En Samos está presente, nese sentido, o valor da sobriedade no discurso plástico do artista. É unha obra na que predomina os negros o grises, apenas rotos por una banda de cor avermellada que atravesa a súa superficie lateralmente.

María Dolores Santos Maneiro, coñecida como Madó, vén de ser recoñecida co Premio da Academia Galega de Teatro pola súa traxectoria como programadora cultural, labor que leva exercendo practicamente toda a súa carreira. Así, a Academia valorou positivamente a aposta e o esforzo realizado por parte de Madó Santos desde o seu posto no Concello de Muros, por atraer as representacións do tecido e a industrial teatral galega. 

Fillas de Cassandra vén de pendurar o cartel de "entradas esgotadas" para a presentación no seu novo directo, Últimas Dionisíacas, que terá lugar o 16 de febreiro no hall do Auditorio Mar de Vigo. En menos de 10 días, o dúo conformado por María Soa e Sara Faro vendeu os 1.400 billetes dispoñibles para a cita; o que dá boa conta do momento que está a vivir o grupo, a gran revelación da escena musical do pasado 2023.

Últimas Dionisíacas é a nova proposta escénica e musical de Fillas de Cassandra, na que as artistas farán unha revisión dos temas máis recoñecidos do seu primero LP, Acrópole, desde unha electrónica máis escura e potente; ademais de recuperar algúns dos sinxelos publicados nos últimos meses e avanzar outros inéditos para o público.  

Na vindeira segunda feira, 15 de xaneiro, publícase Revolución Chic, o novo traballo discográfico de Brais Morán & Nasaufunk. Un álbum con son disco, "no que se reencarnan as sementes da Música Negra", e que lembra a música dos anos 70 nas discotecas do futuro. Trátase do terceiro traballo como Brais Morán & Nasaufunk, despois de Cruzando o eclipse (2015) e No Mato do desespero (2018). 

As curtametraxes de temática LGBT+ serán as protagonistas na Coruña entre o 29 de febreiro e o 2 de marzo por iniciativa da asociación Palestra. A cita comezará no Teatro Colón da cidade herculina co visionado da obra Habitar, de Anxos Fazáns.

A Cidade da Cultura acolle neste primeiro mes do ano unha selección do mellor cine para público miúdo coa oitava edición de Pequefilmes, o festival internacional de curtametraxes infantís que proxectará no Gaiás máis de medio cento de obras procedentes de 16 países, o 26, 27 e 28 de xaneiro. O festival infantil contará este ano, entre as súas producións, con trinta e unha estreas na Galiza e nove a nivel estatal. 
Entre as películas programadas destacan dúas curtas galegas e en lingua galega. Trátase de O monstro e a nena de Jorge Juan Costas Mira e Morte e O meu avó de Gon Caride.  A programación contaré tamén con filmes que recibiron importantes recoñecementos en prestixiosos festivais. É o caso da produción portuguesa Ice merchants de João Gonzalez, con nomeación ao Oscar e premio á Mellor Curta Animada no Festival de Cine Infantil de Chicago, o máis importante do mundo neste xénero. 
 

Recibiraa xunto coas tamén falecidas o pasado ano Itziar Castro e María Teresa Campos. Tamén será concedida a personalidades como Gemma Cuervo, Vicky Peña, Antonio Najarro ou Pablo Berger e mais a cineasta de orixe galega Patricia Ferreiro.

O vindeiro día 13 de xaneiro, ás 20 horas, a bailarina, coreógrafa e actriz Janet Novás (O Porriño, 1982) presentará a performance Feelings na Fundación Luís Seoane da Coruña, dentro do seu ciclo "Body Talk". A peza cuxo título fai referencia ao célebre tema do músico brasileiro Morris Albert, é “un traballo que nunca se definiu. Naceu o día dunha morte e xurdiu coma un berro ou un pranto por esa perda. Desde ese momento negouse a tomar unha forma concreta e tamén negouse a morrer. Feelings é un corpo vivo que quere habitar espazos para chorar, para tomar o pranto como un exercício de liberación, para bailalo e exaltar a beleza dun corpo abatido”.  Ao longo da súa traxectoria, Novás desenvolveu unha linguaxe na que conviven a carga emocional e a sinxeleza estética. As súas creacións formaron parte da programación de prestixiosos festivais  e foron galardoadas con diferentes premios. Como actriz, Janet Novás vén de debutar no papel principal da película O Corno de Jaione Camborda, gañadora da Concha de Oro no Festival Internacional de Cine de San Sebastián.

Tras dous videoclips, ‘Unha revolución’ e ‘Cadáver sen cabeza’, Loita Amada, o grupo liderado por Jásper, estreou esta cuarta feira nas plataformas musicais, redes sociais da banda e en formato físico o seu segundo traballo discográfico.

Belém Brandido (Santiago, 1976), da man da compañía Pistacatro, é unha das organizadoras do Encontro D10! de Formación e Innovación en Circo. Brandido aborda a situación actual do circo na Galiza e os próximos obxectivos en relación á disciplina.