Tanxugueiras

Olaia Maneiro, Aida Tarrío e Sabela Maneiro estrearon na medianoite desta terza feira a canción Terra, coa que acudirán ao Festival de Benidorm para intentar representar o Estado español en Eurovisión en 2022. A peza respeta o son "Tanxugueiras" e dálle protagonismo ás linguas minorizadas.

A Real Academia Galega e a Fundación Barrié abren esta terza feira a fase de votación telemática na que se decidirá cal é a Palabra do Ano 2021. 

A formación galega acturá a canda outras 13 artistas a finais de xaneiro no Benidorm Fest, preselección do Estado español para o Festival de Eurovisión 2022.

Logo de gañar a elección interna co tema 'Figa' e contar cun apoio incríbel, As Tanxugueiras anunciaban na pasada terza feira que presentaron a súa candidatura para representar ao Estado español en Eurovisión. De ser seleccionadas, serían as primeiras en levar un tema nunha lingua que non é o castelán. Falamos con Aida Tarrío, unha das compoñentes do trío. 

O grupo atende así a aposta das e dos eurofanáticos, que nunha das plataformas máis importantes sobre o festival, elixíronas como as gañadoras grazas á canción 'Figa'. O grupo confirmou a súa candidatura ao Festival de Benidorm -recuperado para elixir a representación estatal a este concurso- a través das redes sociais.

No concurso paralelo que promove o medio Eurovision-Spain.com, quedou seleccionada como primeira finalista a canción "Figa", que está en galego. Finalmente, esta cuarta feira transcendeu que foran as elixidas por diante doutras 11 candidaturas. Ademais, as e os expertos elixiran tamén temas de Verto, Sen Senra e Baiuca.

Un ano despois de que o mundo tivese que frear para parar a pandemia da Covid-19, a música feita en galego segue a presentar novidades a pesar de que apenas se poidan levar a cabo os concertos tan precisos para promover os traballos. Sexa de artistas emerxentes ou consolidadas, en tempos de desescalada non deixa de soar música composta na nosa lingua.

O do 'auto-tune' é un debate de longa traxectoria que saíu ao foco nos últimos días a raíz do seu uso no último sinxelo das Tanxugueiras. De ferramenta para a corrección vocal a recurso estilístico, a controversia que se agocha tras esta tecnoloxía vai alén do gosto estético, tampouco nunca inocente. 'Nós Diario' conversa con algúns dos grupos galegos que o empregan sen complexos e que destacan o seu potencial "democratizador". 

Videoclip oficial de 'Midas', o novo single de Tanxugueiras coa colaboración de Fer Peleteiro e Iago Pico na produción.

Cara a 1992, Mike Oldfield  non precisaba presentacións. Debutando con aquel xa icónico Tubular Bells, a carreira do artista mantivo sempre un nivel de cariño do público único, que aínda a día de hoxe continúa. Lonxe de ser simplemente un artista importante, debemos destacar tamén a súa capacidade para recoñecer un talento saído do noso país como poucos despois: Voyager, o décimo sétimo álbum do británico, comezaría a súa andaina cun tema chamado “The Song of the Sun”, aparecendo nos créditos un tal Bieito Romero que, uns anos antes, lanzaría o mesmo tema orixinalmente baixo o nome de O son do ar. 

O talento é coma deus: non existe. O que existe é a Igrexa, con centos de anos de paixón e traballo constante, un bo plan estratéxico e de marketing e un público maduro para mercar o seu produto. 

As cantareiras festexan o aniversario de Contrapunto con actividade virtual na liña que levan meses a desenvolver, enxergando o país coas súas conversas. Hoxe conversarán a través das redes con Isabel Risco

Tanxugueiras aposta na mestura da música tradicional galega con máis sons dando lugar a creacións que impresionan. A súa estratexia está a introducir ás xeracións máis mozas na cultura galega

"Telo é un canto á música en si mesma, sen prexuízos e sen etiquetas. A música tradicional pódese integrar en harmonía cos ritmos da cultura urbana e dar pé a novas sonoridades sobre as que avanzar", apuntan Sabela Maneiro, Aída Tarrío e Olaia Maneiro. 

 

A Banda da Loba, Familia Caamagno, Heredeiros da Crus, Os amigos dos músicos e Tanxugueiras están nomeadas a Mellor Álbum en galego, entre outras categorías.

A xira de presentación de Contrapunto, o novo das Tanxugueiras, chega o domingo 2 de febreiro a Compostela. As cantareiras analizan a súa evolución cara á independencia e un son de seu.