Saúde mental

Galiza sitúase á cabeza do Estado español en número de suicidios. Os últimos datos oficiais fornecidos polo Instituto Nacional de Estatística (INE), referidos a 2019, colocan a taxa en 10,81 por 100.000 habitantes, unha cifra só superada por Asturies. Malia que as causas desta realidade responden a múltiples factores, as persoas expertas non dubidan en estabelecer unha relación entre os suicidios e o deterioro da situación económica. As consecuencias da pandemia preocupan aos profesionais da saúde mental. 

As enfermidades mentais aumentaron durante a pandemia. Mentres psiquiatras e psicólogos advirten dun importante aumento das patoloxías, concentradas de maneira particular nas e nos adolescentes, na liña do sinalado polos informes Organización Mundial da Saúde (OMS) para os Estados occidentais, os profesionais de Atención Primaria denuncian un aumento da carga de traballo relacionada con este tipo de doenzas, que con anterioridade ao coronavirus xa representaban un terzo das súas consultas ordinarias.

Seis de cada dez fogares con crianzas viron agravada a súa situación económica e social na Galiza a raíz da pandemia. Familias que xa arrastraban unha situación precaria empeoraron as súas condicións de pobreza e exclusión. Un risco que afecta directamente ás oportunidades de futuro da poboación máis nova.

O Movemento Galego da Saúde Mental urxe anonimato e confidencialidade no tratamento de datos persoais sobre suicidios e tentativas autolíticas.

A investigadora científica Daniela Rodrigues-Amorim, membro do Instituto de Investigación Sanitaria Galiza Sur, é autora dunha tese de doutoramento defendida na Universidade de Vigo na que identifica varios biomarcadores en sangue que poden axudar ás e aos especialistas psiquiatras nos seus diagnósticos e a decidir o mellor tratamento en cada paciente. O resultado, ademais, supón a posibilidade de desenvolver sistemas de detección con axuda de nanotecnoloxía e biosensores.

A Galiza está á cola do Estado en psicólogos dispoñíbeis no sistema público de saúde, mais encabeza a prevalencia de enfermidades mentais. As persoas expertas exixen aumentar os recursos para atender o incremento da demanda por mor da pandemia, e lamentan a "pouca ambición" do Plan de saúde mental da Galiza recentemente presentado pola Xunta, con vixencia durante os próximos catro anos. Demandan, así mesmo, reformular o sistema pondo o foco na Atención Primaria e separando a psicoloxía da psiquiatría, unha especialidade á que hoxe fica "supeditada".
 

O semanario Sermos Galiza analiza a pegada da saúde mental na escrita. Títulos, personaxes, autores e autoras e voces da crítica reflexionan sobre o sufrimento psíquico, os estereotipos asociados aos trastornos mentais e o esforzo por destruír os tabús.

Entre dúas e tres persoas de cada cen padecen o trastorno bipolar na Galiza. Os síntomas varían en función da doente, mais xeralmente defínese por alternar episodios de euforia con outros depresivos. Combinar o tratamento farmacolóxico coa atención psicoeducativa é esencial para abordar esta enfermidade.

As clínicas psicolóxicas atenden cada vez a máis mozas e mozas nesta etapa da vida que están a pasar momentos difíciles polas condicións de vida que lles impuxo o coronavirus. Tamén algúns institutos empezan a crear grupos de apoio para que expresen os seus sentimentos ante a inestabilidade e a imposibilidade de socializar nun contexto normal.

Os grupos da oposición, BNG e PSdeG, instan a Xunta a reforzar os servizos de saúde mental no Sergas.

O caso de Assange é o máis significativo. Enclaustrado, encerrado, illado durante anos, na actualidade a súa situación mental é crítica e apenas recoñece os fillos. Mais non é o único: miles de persoas están a día de hoxe no que as organizacións polos dereitos humanos chaman "cárcere dentro do cárcere". 

Federación de Asociacións de Familiares e Persoas con Enfermidade Mental de Galiza esixe o cumprimento do plan de vacinación nos recursos de saúde mental

Só catro países membros dan prioridade a estes enfermos nos seus plans estatais de inoculación contra a Covid.

As limitacións pola covid alteran os patróns do sono e da alimentación e afectan á esfera cognitiva e á concentración.