Saúde mental, a 'pandemia' esquecida no Sergas

A Galiza está á cola do Estado en psicólogos dispoñíbeis no sistema público de saúde, mais encabeza a prevalencia de enfermidades mentais. As persoas expertas exixen aumentar os recursos para atender o incremento da demanda por mor da pandemia, e lamentan a "pouca ambición" do Plan de saúde mental da Galiza recentemente presentado pola Xunta, con vixencia durante os próximos catro anos. Demandan, así mesmo, reformular o sistema pondo o foco na Atención Primaria e separando a psicoloxía da psiquiatría, unha especialidade á que hoxe fica "supeditada".