Orzamentos de 2022

Sen corresponsabilidade nin conciliación non hai igualdade real e efectiva. Mais para alén do consenso político ao redor desta reflexión do movemento feminista, a Xunta da Galiza reduce en 25% as partidas de conciliación para o ano que vén.

Redución de 27,3 millóns no orzamento de Economía e Empresa para 2022.

A oposición cuestiona que as rebaixas fiscais anunciadas por Feixoo beneficien as rendas baixas e medias. "A cuestión é que cambian os tramos e o cambio é regresivo", de maneira que unha persoa “que ingrese 12.000 euros" mensuais aforrará "12 euros ao ano, que non dán nin para un café ao mes", explica a deputada do BNG Noa Presas.

Tellado asegura que a Xunta "blinda as infraestruturas sanitarias" no seu proxecto de orzamentos para 2022, mais as partidas sanitarias son as que menos medran e, en concreto, caen os recursos para Atención Primaria. Iso si, mantéñense os millonarios concertos coas empresas sanitarias privadas.

O colapso e as listas de agarda nos centos de saúde galegos, unha realidade recoñecida polo propio Goberno galego, non se traduce nun incremento dos recursos económicos no proxecto de Orzamentos da Xunta para 2022. Todo o contrario: a Atención Primaria recibirá 1.389 millóns de euros, unha cifra máis baixa que nas contas de 2021. O argumento do conselleiro de Facenda é que non se prevén "vacinódromos". Porén, o titular de Sanidade si prevé a recuperación dos centros de vacinación masiva para a inxección da terceira dose. As novas contas, pola contra, manteñen millonarios concertos coa Sanidade privada: 127 millóns de euros. Outras novidades das contas: Feixoo e o Goberno galego sóbense o soldo e o orzamento para Normalización Lingüística está 11 millóns por baixo que en 2009, antes de que Feixoo chegase á Xunta. 

Un total de 6,34 millóns.

A Xunta afronta a recuperación económica cun investimento inferior ao de hai 12 anos. O orzamento "máis alto da historia", segundo dixo Núñez Feixoo, fica 1.695 millóns por baixo do último elaborado polo Goberno de PSdeG e BNG, que ascendía en 2009 a 11.426 millóns, que equivalerían hoxe, atendendo o IPC, a 13.322 millóns.