ocupación

O fiscal superior da Galiza, Fernando Suanzes, ve "inasumíbeis" os casos de violencia contra as mulleres e avirte de que "non abonda" con medidas de protección. Así o dixo na presentación da memoria de 2020 da Fiscalía, ao tempo que remarcou que estatisticamente a ocupación de vivendas non é preocupante no país. 

Desde esta sexta feira, o público xa non ten que permanecer sentado en cinemas, teatros, auditorios e espazos similares para poder maximizar esta capacidade.

Tres de cada catro despexos debéronse no segundo trimestre de 2021 ao impagamento do alugueiro.

A afiliación á Seguridade Social aumentou en 14.552 persoas.

A respecto do total de persoas desempregadas, Galiza fechou o primeiro semestre do ano con 152.400 parados, 5.900 menos que no trimestre anterior.

O falecemento por disparos da Policía israelí de Iyad al Hallak provocou intensas protestas en 2020, ao ronsel das de Black Lives Matter nos Estados Unidos tras a morte de George Floyd. Ademais, esta quinta feira un adolescente palestino perdeu a vida tras ser tiroteado na véspera durante unha manifestación.

Por unanimidade. Tras a aprobación no Parlamento, Irlanda converteuse no primeiro Estado da UE en condenar o estabelecemento de colonias israelís nos territorios ocupados de Cisxordania e Xerusalén. Non é de estrañar. A súa fonda conexión con palestina mesmo replica o conflito de Oriente Próximo en Irlanda do Norte. 

Galiza sitúase á cabeza dos territorios do Estado español con máis ingresos nas UCI na última semana. As cifras da Galiza supoñen unha cuarta parte das 439 persoas hospitalizadas en áreas de pacientes críticos en todo o Estado español.

Para organizacións humanitarias e activistas polos dereitos palestinos non é novidade, mais que a ONG pacifista israelí B'Tselem faga referencia a un "apartheid en Israel" si o é. Termo tabú na sociedade deste país, o adxectivo –epíteto, para algúns– non é gratuíto: o Estatuto de Roma recólleo como un crime contra a humanidade.

A Oficina do Alto Comisionado da ONU para os Dereitos Humanos pediu unha investigación transparente sobre os catro sucesos acontecidos nas dúas últimas semanas.

Os xulgados galegos practicaron no segundo trimestre deste ano 83 lanzamentos, o que supón unha forte caída respecto ao ano precedente, moi vinculada ao estado de alarma derivado da crise sanitaria do coronavirus, un período no que este tipo de procedementos estivo suspendido, como tamén os desafiuzamentos.

Presenza mediática, mensaxes intimidatorias, ataques políticos nas redes e apoio de perfís de ultradereita acompañan o nacemento de Mi casa no es la tuya, unha empresa xurdida en Lugo hai apenas un mes cuxa actuación xa está a ser investigada por un xulgado por un posíbel delito de coaccións durante un desaloxo na mesma cidade. O seu perfil reivindica o papel da firma na defensa "dos españois decentes e traballadores" ante a "inseguridade xurídica" que sofre a propiedade inmobiliaria.

Igual que no paradoxo ideado polo físico austríaco Erwin Schrödinger no que o gato protagonista do experimento teórico está, ao tempo, vivo e morto, a ocupación ilegal na Galiza é ou non é un fenómeno en crecemento dependendo da fonte xudicial á que se atenda. 

A aviación israelí bombardeou durante o mes de agosto 100 obxectivos de Hamas en Gaza, mais os ataques á poboación maniféstanse en forma de bloqueo económico. Tamén en Cisxordania, que se mantén á espera dos acontecementos sobre a adiada anexión, as forzas armadas continúan a estabelecer a súa lei de forma expeditiva. 

Os datos publicados polo Ministerio de Traballo e Economía Social amosan un crecemento dos parados con respecto ao ano pasado e revelan un incremento intermensual por encima da medida do Estado.

Fronte ao bombardeo mediático, voces especializadas en dereito á vivenda apuntan a que a okupación responde máis a unha burbulla comunicativa que a un problema social. Nós Diario analiza a realidade deste  fenómeno na Galiza.