Un total de 105 persoas con covid ingresaron en UCI na Galiza na última semana, o que supón unha cuarta parte das 439 persoas hospitalizadas en áreas de pacientes críticos en todo o Estado español.
Así se advirte dos datos publicados na terza feira, 9 de febreiro, polo Ministerio de Sanidade -con información actualizada do 8 de febreiro-. De feito, estes 105 ingresados en UCI galegas supoñen máis do dobre do seguinte territorio, Andalucía, con 50 pacientes.
Territorios máis poboados, como Madrid e Catalunya, só rexistran 15 e 11 ingresos, respectivamente. Á cola atópase Euskadi, con só tres.
Son 603 as persoas con coronavirus que necesitaron hospitalización na Galiza nos últimos sete días -os pacientes que precisaron UCI tamén computan aquí-. Esta cifra é a segunda maior entre autonomías, por detrás de Andalucía (1.183). O número global do Estado español é de 5.348.
En total, Galiza conta con 225 pacientes ingresados en UCI. Segundo datos da Consellaría de Sanidade, o seu grao de ocupación de camas é do 31,16%, por baixo da media estatal (42,28%).
Contra a porcentaxe ofrecida pola Xunta da Galiza a respecto da ocupación das áreas de críticos téñense pronunciado especialistas en análises clínicas como Luís Vázquez, quen ten advertido que as cifras son irreais. A ocupación de camas UCI é, segundo os datos comunicados na mañá da terza feira polo Sergas, de 90,51%. Advirte de que no seu cálculo inclúe "unicamente as camas UCI iniciais, non se contabilizan camas de reanimación, hospitais de campaña ou outro tipo que se habiliten como UCI".
🦠 COVID-19 GALICIA
▶️ % ocupación camas UCI: 90,51% * 🔴
▶️ % ocupación camas hospital: 14,11% 🟠
* Se incluyen únicamente las camas UCI iniciales, no se contabilizan camas de reanimación, hospitales campaña u otro tipo que se habiliten como UCI.— Luis Vázquez 🔬 (@Luis_Vazquez_M_) February 9, 2021![Publicidade 177486]()
Nunha reportaxe publicada en Nós Diario, expertos sanitarios expuñan que os cálculos da Xunta para informar da presión asistencial nas UCI non responden á realidade de postos dispoñíbeis.
O Goberno galego estima en máis de 750 camas a capacidade do sistema galego para dar resposta ás necesidades da Covid, mais a maioría non accesíbeis. É a forma que ten Sanidade de reducir o impacto real do coronavirus no sistema sanitario galego.
